AKP ភ្នំពេញ ថ្ងៃទី២៦ ខែតុលា ឆ្នាំ២០២៦ -- កាលពីថ្ងៃសៅរ៍ ប្រទេសចិនបានបាញ់បង្ហោះផ្កាយរណបចាប់យកទិន្នន័យពីចម្ងាយចំនួន ២ក្រុមចេញពីមជ្ឈមណ្ឌលបាញ់បង្ហោះផ្កាយរណប Jiuquan ដែលស្ថិតនៅភាគពាយ័ព្យនៃប្រទេសចិន។

ផ្កាយរណបលេខ ០៧-០៩ នៃក្រុម Yaogan-53 និងផ្កាយរណបលេខ១៩-២១ នៃក្រុម Yaogan-56 ត្រូវបានបាញ់បង្ហោះនៅម៉ោង ៣:២៥នាទីព្រឹក(ម៉ោងនៅទីក្រុងប៉េកាំង) ដោយប្រើរ៉ុក្កែតដឹកជញ្ជូនប្រភេទ Long March-4B ហើយផ្កាយរណបទាំងនោះបានចូលទៅក្នុងគន្លងគោចរដែលបានកំណត់ទុកដោយជោគជ័យ។

ផ្កាយរណបទាំងនេះត្រូវបានប្រើប្រាស់ជាចម្បងសម្រាប់ការពិសោធន៍វិទ្យាសាស្ត្រ ការស្ទង់មតិលើដីធ្លី និងធនធានធម្មជាតិ ការប៉ាន់ប្រមាណទិន្នផលដំណាំ ក៏ដូចជាការការពារ និងកាត់បន្ថយគ្រោះមហន្តរាយ។

ការបាញ់បង្ហោះនេះគឺជាបេសកកម្មលើកទី៦៧៣ នៃរ៉ុក្កែតដឹកជញ្ជូនស៊េរី Long March៕

ដោយ៖ មូល មិនា (ប្រភព៖ ភីបផលដេលី)