AKP  ភ្នំពេញ  ថ្ងៃទី២៦ ខែតុលា ឆ្នាំ ២០២៦– ក្រោមក្របខណ្ឌគម្រោងវិទ្យាសាស្ត្រ និងបច្ចេកវិទ្យាសម្រាប់ការអប់រំកម្រិតមធ្យមសិក្សាទុតិយភូមិ នាយកដ្ឋានតម្រង់ទិសវិជ្ជាជីវៈនៃក្រសួងអប់រំ យុវជន និងកីឡា បានរៀបចំសិក្ខាសាលាស្ដីពីការតភ្ជាប់ទំនាក់ទំនងរវាងសាលារៀន និងវិស័យឯកជន ដើម្បីការអប់រំស្ទែម និងការរៀបចំអាជីពសម្រាប់សិស្សនៅមធ្យមសិក្សា ដែលបានប្រារព្ធធ្វើឡើងនៅវិទ្យាល័យចំណេះទូទៅ និងបច្ចេកទេសព្រះរាជសម្ភារខេត្តកំពត។

ក្រោមក្របខណ្ឌគម្រោងវិទ្យាសាស្ត្រ និងបច្ចេកវិទ្យាសម្រាប់ការអប់រំកម្រិតមធ្យមសិក្សាទុតិយភូមិ នាយកដ្ឋានតម្រង់ទិសវិជ្ជាជីវៈនៃក្រសួងអប់រំ យុវជន និងកីឡា បានរៀបចំសិក្ខាសាលាស្ដីពីការតភ្ជាប់ទំនាក់ទំនងរវាងសាលារៀន និងវិស័យឯកជន ដើម្បីការអប់រំស្ទែម និងការរៀបចំអាជីពសម្រាប់សិស្សនៅមធ្យមសិក្សា ដែលបានប្រារព្ធធ្វើឡើងនៅវិទ្យាល័យចំណេះទូទៅ និងបច្ចេកទេសព្រះរាជសម្ភារខេត្តកំពត ដោយផ្ដោតលើការបង្កើតឱកាសផ្សារភ្ជាប់ទំនាក់ទំនងរវាងវិទ្យាល័យគោលដៅចំនួន១០៥ ជាមួយគ្រឹះស្ថានឧត្តមសិក្សា និងគ្រឹះស្ថានសិក្សា TVET ដើម្បីបង្កើតកិច្ចសហប្រតិបត្តិការភាពជាដៃគូក្នុងការអនុវត្តចង្កោមសកម្មភាពភាពជាដៃគូរវាងរដ្ឋ និងឯកជន ក្នុងក្របខណ្ឌកម្មវិធីមគ្គុទ្ទេសក៍អាជីព និងការផ្ដល់ប្រឹក្សា។

លោក រ័ត្ន សារ៉ា ប្រធាននាយកដ្ឋានតម្រង់ទិសវិជ្ជាជីវៈបានថ្លែងថាការបង្កើតឱកាសផ្សារភ្ជាប់ទំនាក់ទំនងរវាងវិទ្យាល័យគោលដៅចំនួន ១០៥ ជាមួយគ្រឹះស្ថានឧត្តមសិក្សា និងគ្រឹះស្ថានសិក្សា TVET ដើម្បីបង្កើតកិច្ចសហប្រតិបត្តិការភាពជាដៃគូក្នុងការអនុវត្តចង្កោមសកម្មភាពភាពជាដៃគូរវាងរដ្ឋ និងឯកជន ក្នុងក្របខណ្ឌកម្មវិធីមគ្គុទ្ទេសក៍អាជីព និងការផ្ដល់ប្រឹក្សា ដែលជាគោលបំណងរបស់សិក្ខាសាលារយៈពេល៣ថ្ងៃចាប់ពីថ្ងៃទី២៦ ដល់ថ្ងៃទី២៨ ខែតុលា ឆ្នាំ២០២៦ រួមមាន កម្មវិធីវេទិកា ឬសិក្ខាសាលាអំពីអាជីព កម្មវិធីទស្សនកិច្ចសិក្សាអំពីរូបភាពការងារ និងមុខរបរ កម្មវិធីសង្កេតការងារ កម្មវិធីព្រឹត្តិការណ៍មគ្គុទ្ទេសក៍អាជីព និងការសិក្សា កម្មវិធីចុះជួយណែនាំ (Mentorship Program) កម្មវិធីការសិក្សាបែបគម្រោង កម្មវិធីប្រកួតប្រជែងសហគ្រិនភាព និងកម្មវិធីសហប្រតិបត្តិការផ្នែកស្ទែម (រៀបចំថ្នាក់រៀនជំនាញបច្ចេកទេសវិជ្ជាជីវៈខ្លី)។

ថ្លែងបើកសិក្ខាសាលានេះ ឯកឧត្តមបណ្ឌិត ហុង គឹមជាង អនុរដ្ឋលេខាធិការក្រសួងអប់រំ យុវជន និងកីឡា បានចាត់ទុកការរៀបចំសិក្ខាសាលាស្ដីពីការតភ្ជាប់ទំនាក់ទំនងរវាងសាលារៀន និងវិស័យឯកជន ដើម្បីការអប់រំស្ទែម និងការរៀបចំអាជីពសម្រាប់សិស្សនៅមធ្យមសិក្សាថាមានសារៈសំខាន់ ដែលជាផ្នែកមួយក្នុងការរួមចំណែកអនុវត្តកំណែទម្រង់មធ្យមសិក្សា ជាពិសេសពាក់ព័ន្ធនឹងការតម្រង់ទិសការសិក្សា និងអាជីពរបស់សិស្សមធ្យមសិក្សា៕

ដោយ៖ ចាន់ សុភឿន (ប្រភព៖ ក្រសួងអប់រំ)