AKP ភ្នំពេញ ថ្ងៃទី២៣ ខែតុលា ឆ្នាំ២០២៦ -- លោក ឌីមីទ្រី ប៉េសកូវអ្នកនាំពាក្យវិមានក្រឹមឡាំង បានប្រាប់អ្នកសារព័ត៌មានថា ទីក្រុងអាប៊ូដាប៊ីកំពុងត្រូវបានពិចារណាជាទីកន្លែងសម្រាប់កិច្ចចរចាត្រីភាគី រវាងរុស្ស៊ីសហរដ្ឋអាមេរិក និងអ៊ុយក្រែន។

នៅពេលដែលត្រូវបានសួរថា តើរដ្ឋធានីនៃប្រទេសអេមីរ៉ាត់អារ៉ាប់រួម(UAE) មួយនេះ កំពុងត្រូវបានពិចារណាជាទីកន្លែងចម្បងសម្រាប់កិច្ចចរចាត្រីភាគីជាមួយសហរដ្ឋអាមេរិក និងអ៊ុយក្រែនដែរឬទេ? លោក ប៉េសកូវ បាននិយាយថា «នៅពេលនេះ យើងកំពុងនិយាយអំពីទីក្រុងអាប៊ូដាប៊ី»។

នៅពេលដែលត្រូវបានសួរឱ្យផ្តល់មតិថា តើក្រុមចរចារបស់រុស្ស៊ីកំពុងរៀបចំឯកសារ ឬសំណើជាលាយលក្ខណ៍អក្សរណាមួយដែរឬទេ? អ្នកនាំពាក្យវិមានក្រឹមឡាំងរូបនេះ បាននិយាយថា «ចាំសិន កុំទាន់អាលប្រញាប់ពេក កុំធ្វើបែបនោះ»៕

ដោយ៖ យា ចិន្ដាខន្ដី (ប្រភព៖ តាសស៍)