AKP ភ្នំពេញ ថ្ងៃទី១៩ ខែតុលា ឆ្នាំ២០២៦--ក្រោមកិច្ចសហប្រតិបត្តិការទ្វេភាគីរវាងនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន និងសាធារណរដ្ឋប្រជាមានិតចិន នាយកដ្ឋានសហប្រតិបត្តិការអន្តរជាតិ និងកិច្ចការអាស៊ានបានធ្វើការសម្របសម្រួលក្នុងការរៀបចំដំណើរការសំណេរ នៃការប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ទៅសិក្សានៅសាកលវិទ្យាល័យ DALI ក្នុងឆ្នាំសិក្សា ២០២៦-២០២៧ ដែលបានប្រព្រឹត្តទៅនៅថ្ងៃទី១៨ ខែតុលា ឆ្នាំ២០២៦ នៅវិទ្យាល័យព្រះស៊ីសុវត្ថិ ដោយមានបេក្ខជនដាក់ពាក្យចូលរួមប្រឡងសរុប ១៦៥ នាក់ ស្រី ៩៣នាក់។ ចំពោះវិញ្ញាសាប្រឡង រួមមាន គណិតវិទ្យា និងភាសាអង់គ្លេស។

ឯកឧត្តមបណ្ឌិត ជួន ជីវិន រដ្ឋលេខាធិការតំណាង ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញបើកវិញ្ញាសា និងពិនិត្យមើលទៅលើដំណើរការប្រព្រឹត្តទៅនៃដំណើរការសំណេរនេះ៕

ដោយ៖ ចាន់ សុភឿន (ប្រភព៖ ក្រសួងអប់រំ)