AKP កំពង់ឆ្នាំង ថ្ងៃទី៩ ខែតុលាឆ្នាំ២០២៦--លោកឧត្តមសេនីយ៍ត្រី អ៊ុំ សុភា មេប ញ្ជាការ តំបន់ប្រតិបត្តិការសឹករងកំពង់ឆ្នាំងនិងលោកស្រី បានដឹកនាំរៀបចំពិធីសូត្រមន្តបង្សុកូល រាប់បាត្រ ឧទ្ទិសកុសលផលបុណ្យជូនដល់វីរកងទ័ព ដែលបានពលីជីវិតដើម្បីបុព្វហេតុជាតិមាតុភូមិ ពិធីនេះប្រារពធ្វើនៅនៅទីបញ្ជាការតំបន់ប្រតិបត្តិការសឹករងកំពង់ឆ្នាំង កាលពីថ្ងៃទី៨ ខែ តុលា ឆ្នាំ២០២៦ដោយមាការអញ្ជើញចូលរួមពីនាយទាហាន ពលទា ហាន ប្រជាពលរដ្ឋនិងព្រះសង្ឃច្រើនអង្គផងដែរ។

ក្នុងឱកាសនោះលោកឧត្តមសេនីយ៍ត្រី អ៊ុំ សុភា បានពាំនាំនូវប្រសាសន៍ផ្តាំផ្ញើរសាកសួរសុខទុក្ខពីសណាក់អតីតៈសម្តេចប្រមុខរាជរដ្ឋាភិបាលនិងសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជានាចក្រកម្ពុជាដែលជានិច្ច កាលសម្តេចតែងតែយកចិត្តទុកដាក់គិតគូអំពីសុខទុករបស់ប្រជាពលរដ្ឋនៅគ្រប់ទីកន្លែងសុខទុក្ខរបស់ប្រជាពលរដ្ឋគឺជាក្តីកង្វល់របស់ថ្នាក់ដឹកនាំគ្រប់លំដាប់ ថ្នាក់។ បច្ចុប្បន្នរាជរដ្ឋភិបាលនៃព្រះរាជានាចក្រកម្ពុជា បានធ្វើឱ្យប្រទេសកម្ពុជា មានការអភិវឌ្ឍន៍ឥតឈប់ឈរ តាំងពីក្រុងដល់ជនបទ ដូចជាផ្លូវ ស្ពាន សា លារៀន មន្ទីរពេទ្យជាតិ សាស នា ព្រះមហាក្សត្រ។ ក្រៅពីនេះបានចូលរួមលើកកម្ពស់ កម្រិតជីវភាពប្រជាពលរដ្ឋបានកាន់តែប្រសើរឡើងផងដែរ ។ 

ទន្ទឹមនឹងនេះលោកបានផ្តាំផ្ញើដល់កង កម្លាំងប្រដាប់អាវុធ អាជ្ញាធរ សមត្ថិកិច្ច កម្លាំងប្រជាការពារ ចូលរួមថែរក្សាសន្តិសុខសណ្តាប់ធ្នាប់នៅតាមមូលដ្ឋាន ពិសេសតាមវត្តអារាម ជូនប្រជាពលរដ្ឋ។ ពិធីបុណ្យកាន់បិណ្ឌ គឺជាពិធីបុណ្យធំមួយ ក្នុងព្រះពុទ្ធសាសនា ដែលប្រជា ពលរដ្ឋ និង ពុទ្ធសាសនិកជនខ្មែរ តែងតែបានប្រារព្វធ្វើឡើង ចាប់ពីថ្ងៃ១រោច រហូតដល់ថ្ងៃ១៥រោច ខែភទ្របទ ។ 

ពិធីបុណ្យភ្ជុំបិណ្ឌ និងកាន់បិណ្ឌ គឺធ្វើឡើងដើម្បី ឧទ្ទិសកុសលផលបុណ្យជូនដល់ដួងវិញ្ញាណក្ខន្ធវីរយុទ្ធជន វីរយុទ្ធនារី ដែលបានពលីជីវិតដើម្បីបុព្វហេតុជាតិមាតុភូមិ និងប្រជាជនកម្ពុជា ដែលបាត់បង់ជីវិតយ៉ាងអយុត្តិក្នុងរបបប្រល័យពូជសាសន៍ ប៉ុល ពត ផងដែរ។ ដើម្បីឲ្យបានសេចក្ដីសុខចម្រើន សិរីសួស្ដីដែលកើតពីផលទានរបស់ខ្លួន និង ដើម្បីបង្កើតសាមគ្គីរបស់ជាតិ គឺការស្រុះស្រួលគ្នា ។  ដើម្បីរៀបចំធ្វើសង្ឃភត្ត ទំនុកបម្រុងព្រះសង្ឃដែលគង់ចាំព្រះវស្សាក្នុងវត្តរយៈពេល៣ខែ ចាប់ តាំងពីថ្ងៃចូលវស្សារហូតដល់ថ្ងៃចេញវស្សា ។ 

លោកឧត្តមសេនីយ៍ត្រី អ៊ុំ សុភា ថ្នាក់ដឹកនាំ កងកម្លាំងមន្រ្តីរាជការដែលអញ្ជើញចូលរួម បានប្រារពពិធីរាប់បាត្រឧទ្ទិសកុសលជូនដល់ វីរៈកងទ័ព ញាតិកាទាំង៧សណ្តានដែលបានចែកឋានទៅនោះ សូមមកទទួលយកនូវអត្ថមនុញ្ញផលដែលបានធ្វើនាថ្ងៃនេះ ។

លោកឧត្តមសេនីយ៍ត្រីបាននាំយកទេយ្យទានដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជានិង លោកជំទាវបណ្ឌិត ពេជ ចន្ទមុនី្ន រួមនឹងទេយ្យទានរបស់ព្រះព្រមទាំងនាយ-ពលទាហាន ក្នុងអង្គភាព ទៅប្រគេនដល់ព្រះសង្ឃ និង ជូនដល់យាយជីចំនួន ០៦នាក់ ព្រមទាំង អតីតយុទ្ធជន និវត្តជន និង គ្រួសារ ចំនួន១៥នាក់ សម្ភារៈសរុបរួមមានអង្ករ ៤៥០គីឡូក្រាម, មី១៧កេស, ត្រីខ១៧យួរ, ទឹកត្រី         ១៧យួរ, ទឹកស៊ីអ៊ីវ១៧យួរ, ទឹកសុទ្ធ២០កេស, ទឹកផ្លែឈើ១០កេស រួមនឹងបច័្ចយសរុប ចំនួន ២,៣០០,០០០រៀល(២លាន៣សែនរៀល) ៕

ដោយ ៖បៃ ស៊ីថុន