AKPភ្នំពេញថ្ងៃទី៣០ ខែសីហា ឆ្នាំ២០២៦ — ក្រុមហ៊ុន Chery Cambodia ដែលជាក្រុមហ៊ុននាំចូល និងចែកចាយសិទ្ធិផ្តាច់មុខផ្លូវការនូវរថយន្តម៉ាក Chery Tiggo និង iCAUR ប្រចាំប្រទេសកម្ពុជា បានរៀបចំព្រឹត្តិការណ៍ពិព័រណ៍រថយន្ត Chery iCAUR Lifestyle Auto Show 829 នៅអគារ Connexion កោះពេជ្រ។

លើសពីការតាំងពិព័រណ៍រថយន្តទូទៅ ព្រឹត្តិការណ៍នេះបានឆ្លុះបញ្ចាំងយ៉ាងច្បាស់ពីទិសដៅយុទ្ធសាស្ត្ររបស់ Chery Cambodia ក្នុងនាមជា «ម៉ាកយីហោរថយន្តបែបស៊ីវិល័យ» (Automotive Lifestyle Brand) ដែលផ្សារភ្ជាប់រថយន្តទៅនឹងរបៀបរស់នៅបែបទំនើប ភាពកក់ក្តៅក្នុងគ្រួសារ បច្ចេកវិទ្យាទំនើប និងសហគមន៍។

Chery Cambodia ជឿជាក់យ៉ាងមុតមាំថា អតិថិជននាពេលបច្ចុប្បន្ន មិនមែនត្រឹមតែជ្រើសរើសរថយន្តប៉ុណ្ណោះទេ ប៉ុន្តែពួកគាត់កំពុងជ្រើសរើសយកមធ្យោបាយធ្វើដំណើរដែលស័ក្តិសមបំផុតទៅនឹងរបៀបរស់នៅរបស់ពួកគាត់ ទំនើប ជួយលើកកម្ពស់កិត្តិយសគ្រួសារ និងឆ្លុះបញ្ចាំងពីភាពជោគជ័យដែលពួកគាត់ប្រាថ្នាចង់បាន ។

តាមរយៈត្រកូល Chery Tiggo ក្រុមហ៊ុនបានផ្តោតជាសំខាន់លើរថយន្ត SUV បែបទំនើប ធំទូលាយ និងស័ក្តិសមបំផុតសម្រាប់ក្រុមគ្រួសារ។ ដោយឡែក សម្រាប់ម៉ូដែលiCAUR (global version) វិញ គឺត្រូវបានរចនាឡើងដើម្បីនាំមកនូវបទពិសោធន៍បើកបរបែបបច្ចេកវិទ្យា ភាពទាន់សម័យ និងកាលីប សម្រាប់អតិថិជន និងយុវជនសម័យថ្មី ។

ក្នុងនាមជាក្រុមហ៊ុននាំចូល និងចែកចាយជាផ្លូវការ Chery Cambodia ប្តេជ្ញាចិត្តយ៉ាងមុតមាំក្នុងការកសាងទំនុកចិត្តដ៏រឹងមាំ និងយូរអង្វែងជាមួយអតិថិជន។ តាមរយៈការផ្តល់ជូនរថយន្តផ្លូវការប្រភេទ  Global សេវាកម្មប្រកបដោយវិជ្ជាជីវៈខ្ពស់ ការធានាពីរោងចក្រផ្ទាល់រយៈពេលវែងរហូតដល់ទៅ ៨ ឆ្នាំ ព្រមទាំងសេវាកម្មថែទាំក្រោយការលក់យ៉ាងយកចិត្តទុកដាក់បំផុត។

លោក Brian KO អគ្គនាយកនៃក្រុមហ៊ុន Chery Cambodia បានមានប្រសាសន៍ថា៖

"ចក្ខុវិស័យ និងបេសកកម្មរបស់ Chery Cambodia គឺហួសពីការលក់រថយន្តធម្មតា។ យើងចង់កសាងម៉ាកយីហោរថយន្តតំណាងឱ្យការរស់នៅបែបស៊ីវិល័យ ដែលក្លាយជាផ្នែកមួយដ៏សំខាន់នៃជីវិតប្រចាំថ្ងៃ ការធ្វើដំណើរ និងការបង្កើតពេលវេលាដ៏មានតម្លៃជាមួយក្រុមគ្រួសារ។

គុណតម្លៃស្នូលរបស់យើងគឺផ្អែកលើទស្សនៈដ៏សាមញ្ញមួយគឺ៖ ‘Live Well, Live Better, Live iCAUR’

នេះគឺជាការប្តេជ្ញាចិត្តរយៈពេលវែងរបស់យើង ក្នុងការផ្តល់ជូនមិនត្រឹមតែរថយន្តដែលមានគុណភាពខ្ពស់ប៉ុណ្ណោះទេ ប៉ុន្តែថែមទាំងនាំមកនូវសេវាកម្មដែលគួរឱ្យទុកចិត្តបទពិសោធន៍ល្អៗ និងការរស់នៅដ៏ស៊ីវិល័យជូនដល់អតិថិជន។ ដើម្បីរួមគ្នាកសាងសហគមន៍ និងរីកចម្រើនទៅមុខជាមួយគ្រួសារកម្ពុជាទាំងអស់៕

ដោយ៖ ចរិយា