AKP ខេត្តព្រះសីហនុ ថ្ងៃទី១៩ ខែសីហា ឆ្នាំ២០២៦---

ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះសីហនុ អញ្ជើ ញដឹកនាំកិច្ចប្រជុំគណៈអភិបាលខេត្ត ដើម្បីពិនិត្យ និងផ្តល់យោបល់លើសេចក្តីព្រាងសេចក្តីណែនាំ ស្តីពីការរៀបចំ និងកសាងកម្មវិធីវិនិយោគ ៣ឆ្នាំរំកិល (២០២៧- ២០២៩) របស់រដ្ឋបាលខេត្តព្រះសីហនុ នារសៀលថ្ងៃទី១៩ ខែសីហា ឆ្នាំ២០២៦ ដោយមានការចូលរួមពីឯកឧ ត្តម លោកជំទាវសមាជិកក្រុមប្រឹក្សាខេត្ត អភិបាលរងខេត្ត នាយករដ្ឋបាលសាលាខេត្ត អភិបាលក្រុង ស្រុក ប្រធានមន្ទីរ អង្គភាពជុំវិញខេត្ត ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បើកកិច្ចប្រជុំសេចក្តីណែ នាំកម្មវិធីវិនិយោគ ៣ឆ្នាំរំកិល (២០២៧-២០២៩) របស់រដ្ឋបាលខេត្ត ដើម្បីសម្រេចនូវការអភិវឌ្ឍស្របតាមគោលនយោ បាយកំណែទម្រង់ស៊ីជម្រៅរបស់រាជរដ្ឋាភិបាល និងឈានទៅសម្រេចបាន នូវបញ្ហាអាទិភាពរបស់ប្រជាជនក្នុងខេត្តព្រះសីហនុ។ ក្រុមប្រឹ ក្សាខេត្តអាណត្តិទី៤ បានដាក់ចេញនូវ សេចក្តីណែនាំ ស្តីពីដំណើរការរៀបចំកសាងកម្មវិធីវិនិយោគ៣ ឆ្នាំរំកិល (២០២៧-២០២៩) ដែលជា មូលដ្ឋានគ្រឹះ និងជាឧប ករណ៍ណែនាំតម្រង់ទិស កិច្ចអភិវឌ្ឍន៍ក្នុងដែនសមត្ថកិច្ចរបស់ខេត្តឈានទៅសម្រេចចក្ខុវិស័យអភិ វឌ្ឍន៏ស្របតាមគោលបំណង និងគោលដៅអភិវឌ្ឍន៍របស់ខេត្ត ដែលកំណត់ក្នុងផែនការអភិវឌ្ឍន៍រយៈពេល៥ឆ្នាំ (២០២៥- ២០២៩)។

 ឯកឧត្តម អភិបាលខេត្តបានបញ្ជាក់ថា គោល បំណងនៅឆ្នាំខាងមុខ ក្រុមប្រឹក្សាខេត្តអាណត្តិទី៤ បានដាក់ចេញនូវសេច ក្តីណែនាំ ស្តីពីកម្មវិធីវិធីវិនិយោគ ៣ឆ្នាំរំកិល (២០២៧-២០២៩) ដើម្បីជំរុញការអភិវឌ្ឍសង្គមសេដ្ឋកិច្ចឈានសម្រេ ច បាននូវចក្ខុវិស័យក្នុងផែនការអភិវឌ្ឍរយៈពេល៥ឆ្នាំរបស់ខេត្ត ដោយបង្កើនការធ្វើពិពិធកម្មសេដ្ឋកិច្ចលើគ្រប់វិស័យ សម្រាប់កំណើន បរិយាបន្ន ជំរុញអភិវឌ្ឍ ន៍សេដ្ឋកិច្ច ស្ថិតនៅកម្រិត ៥,៥ភាគរយ ជួយកាត់បន្ថយភាពក្រីក្រ យ៉ាងតិច ១ភាគរយ ការបើកទូលាយលើកទឹកចិត្តដល់វិស័យឯកជន ការអភិវឌ្ឍន៍លើវិស័យឧស្សាហកម្ម សហគ្រាសធុនតូច និងមធ្យម វិទ្យាសាស្ត្រ បច្ចេកវិទ្យា និងនុវានុវត្តន៍ និងអចលនទ្រព្យ ។ ការកសាងផែនការអភិវឌ្ឍន៍ និងកម្មវិធីវិនិយោគទទួលបាននូវ ប្រសិទ្ធភាពក្នុងកម្មវិធីវិនិយោគ ៣ឆ្នាំរំកិលរបស់ខេត្ត និងផែនការអភិវឌ្ឍន៍រយពេល ៥ឆ្នាំរបស់ខេត្ត និងយុទ្ធសាស្រ្តបញ្ច កោណដំណាក់កាលទី១ របស់រាជរដ្ឋាភិបាលនីតិ កាលទី៧ នៃរដ្ឋសភា  ការពន្លឿការអភិវឌ្ឍន៍ខេត្តព្រះសីហនុ ឪ្យក្លាយជាតំបន់សេដ្ឋកិច្ចពិសេសគំរូពហុបំណង និងជាប៉ូលសេដ្ឋកិច្ចសម្រាប់វិស័យទេសចរណ៍ មជ្ឈមណ្ឌលសេវាហិរញ្ញវត្ថុ និងឧស្សាហកម្ម ក៏ដូចជាផែនការយុទ្ធសាស្ត្រអភិវឌ្ឍន៍ជាតិ ២០១៩- ២០២៣។ កម្មវិធីវិនិយោគ ៣ឆ្នាំរំកិលរបស់ខេត្ត ស្របតាមសេចក្តីណែនាំបច្ចេកទេស របស់រដ្ឋបាលខេត្ត ដែលមានយន្តការ និងតួនាទីភារកិច្ចផែនការច្បាស់លាស់។

ទន្ទឹមនោះ ឯកឧត្ដម អភិ បាលខេត្តព្រះសី ហនុ ក៏បានធ្វើការណែនាំឪ្យក្រុមការងារបច្ចេកទេសពង្រឹងពង្រីកការប្រមូលចំណូលពន្ធពីការជួលដី មានដូចជា ដីឡូ ដីកោះ ដីសម្ប ទានសេដ្ឋ កិច្ច ដីកសិកម្ម ដើម្បីប្រមូលប្រភពចំណូលចូលថវិកាជាតិ ក៏ដូចជាថវិកាខេត្តសម្រាប់យកមកធ្វើការអភិវឌ្ឍមូលដ្ឋាននៅបណ្ដាឆ្នាំខាងមុខ ៕

ដោយ៖ ងូ សុមុនី