AKP ភ្នំពេញ ថ្ងៃទី១៧ ខែសីហា ឆ្នាំ២០២៦ -- វិចិត្រករប៊ុលហ្គារី លោក ហ្គីវកូ (ហ្គីសសេន) តេណេវ លោក វ៉ាលេនទីន ចចជីវ លោក ម៉ាយ៉ា ចូឡាកូវ៉ា លោក អាល់ឡា និងលោក ចាវដារ ចចជីវ ត្រូវបានបង្ហាញនៅក្នុងពិធីតាំងពិព័រណ៍អន្តរជាតិមួយនៅក្នុងប្រទេសអារ៉ាប៊ីសាអូឌីត។ នេះបើយោងតាមវិចិត្រករ ហ្គីសសេន បានប្រាប់ទីភ្នាក់ងារសារព័ត៌មានប៊ុលហ្គារី។

ការតាំងពិព័រណ៍រូបតុក្កតាបរិស្ថាន ត្រូវបានរៀបចំឡើងដោយគំនិតផ្តួចផ្តើមយល់ដឹងអំពីបរិស្ថាននៃក្រសួងបរិស្ថាន ទឹក និងកសិកម្មរបស់ប្រទេសអារ៉ាប៊ីសាអូឌីត ហើយវាជាផ្នែកមួយនៃកម្មវិធីឯកអគ្គរដ្ឋទូតបរិស្ថាន។

ការតាំងពិព័រណ៍នេះ គឺជាពិព័រណ៍ដំបូងគេនៅក្នុងប្រទេសអារ៉ាប៊ីសាអូឌីត។ វាផ្តោតទៅលើបរិស្ថាន ការគ្រប់គ្រងកាកសំណល់ និងការបង្ហាញជាសាធារណៈ ការបំពុល និងគុណភាពខ្យល់ ការបំពុលសមុទ្រ ការបំពុលដី រុក្ខជាតិ និងការដាំដើមឈើឡើងវិញ ការកាប់បំផ្លាញព្រៃឈើ ជីវៈចម្រុះ និងការប្រើប្រាស់ធនធាន និងកាកសំណល់ជាដើម។

លោក ហ្គីសសេន បានធ្វើជាវិចិត្រករវិចារណកថាសម្រាប់គេហទំព័រសារព័ត៌មាន Antenneair.eu ចាប់តាំងពីគេហទំព័រសារព័ត៌មាននេះត្រូវបានបង្កើតឡើងកាលពី ២០ឆ្នាំមុន។ ក្នុងរយៈពេល ២៥ឆ្នាំកន្លងមក លោកបានរៀបចំការតាំងពិព័រណ៍ទោលជាង១៨០ ដែលរួមមានគំនូរ សិល្បៈក្រាហ្វិក រូបតុក្កតា ការរចនាផ្ទាំងរូបភាព និងការថតរូបជាដើម។ ការតាំងពិព័រណ៍ថ្មីៗរបស់លោកបានក្លាយជាផ្នែកមួយនៃសារមន្ទីរហ្គីសសេន ដែលមានស្នាដៃសិល្បៈជាង ៤.០០០ ស្នាដៃ៕

ដោយ៖ យា ចិន្ដាខន្ដី (ប្រភព៖ BTA)