AKPកំពង់ធំថ្ងៃទី១៦ ខែសីហាឆ្នាំ២០២៦--

ឯកឧត្តមរដ្ឋមន្ត្រី ថោ ជេដ្ឋា អនុប្រធានក្រុមការងារគណបក្សចុះមូលដ្ឋានខេត្ត កំពង់ធំនិងជាប្រធានក្រុមការងារគណ បក្សចុះមូលដ្ឋានស្រុកស្ទោងនិងលោក ជំទាវកាលពីថ្ងៃទី១៥ខែសីហាឆ្នាំ ២០២៦បានអញ្ជើញដឹកនាំក្រុមគ្រូពេទ្យស្ម័គ្រចិត្តអន្តរជាតិចម្រុះជាតិសាសន៍ចុះពិនិត្យនិងព្យាបាលជំងឺដោយឥតគិតថ្លៃជូនបងប្អូនប្រជាពលរដ្ឋមកពីគ្រប់មជ្ឈ ដ្ឋាននៅក្នុងមូលដ្ឋានស្រុកស្ទោងខេត្ត កំពង់ធំរយៈពេល២ថ្ងៃប្រមាណ៣ពាន់នាក់។

ក្នុងឱកាសនោះ ឯកឧត្តមរដ្ឋមន្ត្រី បានមានប្រសាសន៍សំណេះសំណាលនិងពាំនាំនូវការផ្ដាំផ្ញើសាកសួរសុខទុក្ខពីសំ ណាក់សម្ដេចតេជោ ហ៊ុន សែនប្រធានគណបក្សប្រជាជនកម្ពុជា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះ រាជាណាចក្រកម្ពុជាដែលសម្ដេចទាំងទ្វេតែងតែយកចិត្តទុកដាក់គិតគូរពីសុខ ភាពរបស់បងប្អូនប្រជាពលរដ្ឋ ជាពិ សេសបងប្អូនដែលរស់នៅតំបន់ជនបទដាច់ស្រយាលគ្រប់ទីកន្លែងនិងគ្រប់ ពេលវេលា។

ឯកឧត្តមរដ្ឋមន្ត្រីបានថ្លែងអំណរគុណដល់ក្រុមការងារ អាជ្ញាធរមូលដ្ឋាននិងក្រុមគ្រូពេទ្យស្ម័គ្រចិត្តដែលយកអស់ កម្លាំងកាយចិត្ត ក្នុងការពិនិត្យព្យាបាលជំងឺជូនប្រជាពលរដ្ឋ ដោយឥតគិតថ្លៃដើម្បីចូលរួមលើកកម្ពស់សុខុមាលភាពប្រជាជនជំរុញកំណើនសេដ្ឋកិច្ចនិងកាត់ បន្ថយភាពក្រីក្រស្របតាមគោលន យោបាយនិងយុទ្ធសាស្ត្រអភិវឌ្ឍន៍ ប្រកប ដោយចីរភាពរបស់រាជរដ្ឋាភិបាលកម្ពុជានិងបានអំពាវនាវដល់បងប្អូនប្រជា ពលរដ្ឋ សូមបន្តថែរក្សាសុខភាពឱ្យបានល្អថែមទៀត ដោយរក្សាឱ្យបាននូវអនាម័យ (ហូបស្អាត ផឹកស្អាតនិងរស់នៅស្អាត)និងសូមបន្តយកចិត្តទុកដាក់បង្ការនូវជំងឺឆ្លងផ្សេងៗក្នុងរដូវវស្សា ជាពិសេសជំងឺគ្រុនឈាម ដោយបញ្ជូនអ្នកជំងឺទៅកាន់មណ្ឌល សុខភាពឬមន្ទីរពេទ្យឱ្យបានទាន់ពេលវេលា។

សូមបញ្ជាក់ថាក្រុមការងារគណបក្សចុះមូលដ្ឋានស្រុកស្ទោង បានសម្រប សម្រួលដឹកនាំក្រុមគ្រូពេទ្យស្ម័គ្រចិត្តចម្រុះជាតិសាសន៍ចុះពិនិត្យនិងព្យាបាលជំងឺដោយឥតគិតថ្លៃជូនប្រជាពលរដ្ឋក្នុងស្រុកស្ទោងបានចំនួន៤លើកគឺ÷លើកទី១ថ្ងៃទី៥ដល់ថ្ងៃទី៧ខែកក្កដាឆ្នាំ ២០២៥បានចុះពិនិត្យព្យាបាលជំងឺជូនប្រជាពលរដ្ឋចំនួន៣ពាន់នាក់ លើកទី២ថ្ងៃទី៣០-៣១ ខែមករា ឆ្នាំ ២០២៦បានពិនិត្យព្យាបាលជំងឺជូនប្រជាពលរដ្ឋ១៥០០នាក់ លើកទី៣ថ្ងៃទី៦ខែមិថុនា ឆ្នាំ២០២៦បានពិនិត្យនិងព្យាបាលជំងឺជូនប្រជា ពលរដ្ឋ៣ពាន់នាក់និងលើកទី៤បានដឹកនាំក្រុមគ្រូពេទ្យស្ម័គចិត្តអន្តរជាតិចំនួន១២០នាក់ មកពីប្រទេសចិន អូស្ត្រាលី កម្ពុជា និងបណ្តាប្រទេសផ្សេងទៀត ចុះមកពិនិត្យនិងព្យាបាលជំងឺទូទៅ ជំងឺមាត់ធ្មេញ និងជំងឺសន្លាក់ ព្រមទាំងកាត់សក់ជូនប្រជាពលរដ្ឋប្រមាណ៣ពាន់នាក់ក្នុងរយៈពេលពីរថ្ងៃចាប់ពីថ្ងៃទី១៥ដល់ថ្ងៃទី១៦ខែសីហាឆ្នាំ២០២៦នៅទីស្នាក់ការគណបក្ស ប្រជាជនកម្ពុជាស្រុកស្ទោង៕

ដោយ៖ ស៊ុម វណ្ណា