AKP ភ្នំពេញ ថ្ងៃទី៧ ខែសីហា ឆ្នាំ២០២៦ -- ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការ ពារជាតិ បាន​ទទួលស្វាគមន៍ ឯកឧត្តម ដាតុ សេរី ម៉ូហាម៉េដ ខាលេដ ប៊ីន ណ័រឌីន “Dato’ Seri Mohamed Khaled bin Nordin” រដ្ឋមន្រ្តីក្រសួង ការពារជាតិម៉ាឡេស៊ីចូលជួបសម្តែងការគួរសមនិងពិភាក្សាការងារ។

នេះជាដំណើរទស្សនកិច្ចជាផ្លូវការលើកទី១ របស់ឯកឧត្តម រដ្ឋមន្រ្តីក្រសួងការ ពារជាតិម៉ាឡេស៊ី បន្ទាប់ពីយើងបានជួប ពិភាក្សាការងារជាច្រើនលើកក្នុងវេទិកាអន្តរជាតិផ្សេងៗ ហើយថ្ងៃនេះខ្ញុំពិតជាមានសេចក្តីសោមនស្សរីករាយយ៉ាងក្រៃលែងដែលមានឱកាសបានទទួលមិត្តម៉ាឡេស៊ី នៅទីស្តីការក្រសួងការពារជាតិ នៃព្រះរាជាណាចក្រកម្ពុជា។

ក្រសួងការពារជាតិ សូមថ្លែងអំណរគុណ និងកោតសរសើរចំពោះកិច្ចខិតខំរបស់ថ្នាក់ដឹកនាំរបស់ ភាគីមិត្តម៉ាឡេស៊ី ក្នុងការសម្របសម្រួលស្វែងរកដំណោះ ស្រា យ ដោយសន្តិវិធី និងផ្អែកលើច្បាប់ អន្តរជាតិទៅលើបញ្ហាព្រំដែនកម្ពុជា-ថៃ និងការដឹកនាំក្រុមអ្នកសង្កេតការណ៍អាស៊ាន ដើម្បីចូលរួមក្នុងបេសកកម្មស្វែងរកសន្តិភាពសម្រាប់ប្រជាពលរដ្ឋ នៃប្រទេសកម្ពុជា ដែលការណ៍នេះមិនត្រឹមតែជាការស្វែងរកសន្តិភាពសម្រាប់កម្ពុជាប៉ុណ្ណោះទេ តែក៏ជាការរួមចំណែកក្នុងការពង្រឹងសាមគ្គីភាព និងមជ្ឈភាពអាស៊ាន ក្នុងការស្វែងរកសន្តិភាពសម្រា ប់តំបន់ និងពិភពលោកផងដែរ៕

ដោយ៖ ប៊ុនរិទ្ធ, ប្រភព៖ ក្រសួងការពារជាតិ