AKPភ្នំពេញថ្ងៃទី១៦ ខែកក្កដា ឆ្នាំ២០២៦– ដោយអនុវត្តតាមផែនការបស់កងទ័ពជើងគោក តំបន់ប្រតិបត្តិការសឹករងកែប បានប្រារព្ធធ្វើវិធីបើកវគ្គហ្វឹកហ្វឺនបណ្ដុះបណ្ដាល បំប៉នពង្រឹងសមត្ថភាព និងស្មារតី ដល់នាយទាហាន នាយទាហានរង និងពលទាហាន នៃតំបន់ប្រតិបត្តិការសឹករងកែបនា ថ្ងៃទី១៦ ខែកក្កដា ឆ្នាំ២០២៦ ។

លោក វរសេនីយ៍ទោ តឿ សុខុម បានថ្លែងសុន្ទរកថាស្វាគមន៍និងរាយការណ៍ពី ផែនការ-កម្មវិធីហ្វឹកហ្វឺនជូនគណៈធិបតី ដើម្បី ពង្រឹងសមត្ថភាពក្នុងការរៀនសូត្រដល់សិក្ខាកាម និងក្រើនរំលឹកឡើងវិញ នៅបទវិន័យក្រមសីលធម៌យល់ច្បាស់ពីតួនាទីនិងកាតព្វកិច្ចរបស់កងទ័ព ដើម្បីអនុវត្តឲ្យបានខ្ជាប់ខ្ជួនជានិច្ច ។

ឧត្តមសេនីយ៍ទោ ឈឹម ខ្មៅ មេបញ្ជាការតំបន់ប្រតិបត្តិការសឹករងកែប បានថ្លែងក្នុងពិធីបើកវគ្គហ្វឹកហ្វឺនបំប៉ន និងបណ្ដុះបណ្ដាល ពង្រឹងសមត្ថភាពដល់នាយទាហាន នាយទាហានរង និងពលទាហាន និងរំញោចដាស់តឿនក្រើនរំលឹកស្មារតី យោធិនគ្រប់ៗរូប ស្របពេលប្រទេសជាតិមានសុខសន្តិភាព និងសេដ្ឋកិច្ច ស្ថេរភាពនយោបាយច្បាស់លាស់ នេះជាឱកាស សម្រាប់កងទ័ពហ្វឹកហាត់ពង្រឹងសមត្ថភាពគុណភាព ដល់នាយទាហាន នាយទាហានរង និងពលទាហាន ក្នុងការបំពេញភារកិច្ច និងកាតព្វកិច្ច ដើម្បីទទួលអនុវត្តបទបញ្ជាដែលបានប្រគល់ឲ្យ ក្នុងការគ្រប់គ្រងដឹកនាំបញ្ជា ក្នុងភារកិច្ចការពារបូរណភាពទឹកដី ។

ដោយ៖ សំ សាម៉ន ប្រភព៖ កងទ័ពជើងគោក