AKP ភ្នំពេញ ថ្ងៃទី២៦ ខែមិថុនា ឆ្នាំ២០២៦--ឯកឧត្ដម សុខ ប៊ុនថា រដ្ឋលេខាធិការ​ក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៦ ខែមិថុនា ឆ្នាំ២០២៦ បានអញ្ជើញដឹកនាំកិច្ចប្រជុំ​ ត្រួតពិនិត្យការងារអំពីវឌ្ឍនភាពការផ្តល់សេវាស្នាក់នៅមជ្ឈមណ្ឌលថែទាំនិងស្តារនីតិសម្បទាជនវិបល្លាសស្មារតីកណ្តាលស្ទឹង ក្នុងខេត្តកណ្តាល ។ 

ឯកឧត្ដម រដ្ឋលេខាធិការ សុខ ប៊ុនថា បានលើកឡើងថា កិច្ចប្រជុំនេះមានគោលបំណង ពង្រឹងការគ្រប់គ្រងនិងផ្តល់សេវាថែទាំជនមានវិបល្លាសស្មារតី ដែលកំពុងទទួលសេវានៅក្នុងមជ្ឈមណ្ឌល ពង្រឹងកិច្ចសហការបន្ថែមជាមួយមណ្ឌលសុខភាពបារគូ ក្នុងការយកចិត្តទុកដាក់ព្យាបាលដល់ជនមានវិបល្លាសស្មារតី ស្តាប់មតិចូលរួម ពីមន្ត្រីអនុវត្តផ្ទាល់ ទៅលើបញ្ហាប្រឈម និងរកដំណោះស្រាយ បញ្ហាប្រឈម ។

ក្នុងកិច្ចប្រជុំនោះក៏មានការអញ្ជើញចូលរួមពី ឯកឧត្តមអនុរដ្ឋលេខាធិការ ប្រធាន​នាយកដ្ឋានគាំពារជនរងគ្រោះ  លោកប្រធានមជ្ឈមណ្ឌល​ លោកស្រីប្រធានមណ្ឌលសុខភាពបារគូ​ មន្រ្តី​ជំនាញ និង អ្នកថែទាំជនវិល្លាសស្មាតី​ សរុបចំនួន ២៧នាក់ ស្រីចំនួន ៩នាក់ ៕
ដោយ៖ ណយ នឿន (ប្រភព៖ក្រសួងសង្គមកិច្ច)