AKP ភ្នំពេញ ថ្ងៃទី១៩ ខែមិថុនា ឆ្នាំ២០២៦ -- វិស័យទេសចរណ៍ក្នុងស្រុករបស់ប្រទេសម៉ាឡេស៊ីបានកត់ត្រានូវកំណើនដ៏រឹងមាំនៅក្នុងឆ្នាំ២០២៥ ដោយការចំណាយសរុបរបស់ភ្ញៀវទេសចរឈានដល់ ១២១,៣ពាន់លានរីងហ្គីត (២៩,៨ពាន់លានដុល្លារអាម៉េរិក) ដែលកើនឡើង ១៣,៦% ពីមួយឆ្នាំទៅមួយឆ្នាំ។ នេះបើយោងតាមប្រធានស្ថិតិ លោក ម៉ូដ យូហ្សៀ ម៉ាហ៊ីឌីន។

លោក ម៉ូដ យូហ្សៀ ម៉ាហ៊ីឌីន បាននិយាយកាលពីពេលថ្មីៗនេះថា ការកើនឡើងនេះត្រូវបានជំរុញដោយកំណើននៃភ្ញៀវទេសចរកម្សាន្តពេលយប់ និងអ្នកធ្វើដំណើរកម្សាន្ត ដែលការចំណាយរបស់ពួកគេបានកើនឡើង ១៤,៦% និង ១២,២% រៀងៗខ្លួន។ ភ្ញៀវទេសចរពេលយប់នៅតែជាអ្នករួមចំណែកធំបំផុត ដែលមានចំនួន ៥៩,៥% នៃការចំណាយសរុបរបស់ទេសចរណ៍ក្នុងស្រុក។

និន្នាការចំណាយកាន់តែខ្លាំងស្របគ្នាជាមួយនឹងការកើនឡើងនៃសកម្មភាពធ្វើដំណើរ ដោយចំនួនភ្ញៀវទេសចរក្នុងស្រុកកើនឡើង ១១,៥% ដែលឈានដល់ចំនួន ២៩០,១លាននាក់កាលពីឆ្នាំមុន បើប្រៀបធៀបទៅនឹងចំនួន ២៦០,១លាននាក់ក្នុងឆ្នាំ២០២៤។ រយៈពេលស្នាក់នៅជាមធ្យមក៏បានកើនឡើងដល់ ២,៥៦យប់ ពីចំនួន ២,៤៩យប់កាលពីឆ្នាំមុន។

លោក​បាននិយាយ​ថា ការ​កើនឡើង​នេះ​ឆ្លុះបញ្ចាំង​ពី​ទំនោរ​កាន់តែ​ខ្លាំង​ក្នុង​ចំណោម​អ្នកធ្វើដំណើរ​ក្នុង​ការ​ចូលរួម​ក្នុង​សកម្មភាព​ទេសចរណ៍​ក្នុងស្រុក និង​ចំណាយពេល​យូរ​នៅ​តាម​គោលដៅ​នានា​ក្នុង​ប្រទេស។

លោក​បាន​សន្មត​ថា ដំណើរការ​ដ៏​រឹងមាំ​របស់​វិស័យ​នេះ ​គឺ​ដោយសារ​តម្រូវការ​ធ្វើដំណើរ​កើនឡើង​ក្នុង​អំឡុង​ពេល​បុណ្យទាន និង​ថ្ងៃ​ឈប់សម្រាក​ធំៗ រួម​ទាំង​បុណ្យចូលឆ្នាំ​ចិន បុណ្យ Hari Raya Aidilfitri បុណ្យ Deepavali បុណ្យ​ណូអែល និង​ថ្ងៃ​ឈប់សម្រាក​ពី​សាលាជាដើម៕

ដោយ៖ យា ចិន្ដាខន្ដី (ប្រភព៖ VNA)