AKP ភ្នំពេញ ថ្ងៃទី០៥ ខែមិថុនា ឆ្នាំ២០២៦–ឯកឧត្តម អុល រ៉ូ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី៤ ខែឧសភា ឆ្នាំ២០២៦ បានអញ្ជើញបើកសិក្ខាសាលាស្តីពីការពិនិត្យចុងក្រោយលើសេចក្តីព្រាង «សៀវភៅ ណែនាំស្តីពីនីតិវិធីវាស់កម្រិតអនុលោមភាព ក្របខណ្ឌស្តង់ដារ គុណភាពជាតិសម្រាប់ការផ្តល់សេវាសង្គមកិច្ច»។

ឯកឧត្តម អុល រ៉ូ មានប្រដាសន៍ថា សិក្ខាសាលាប្រមូលធាតុចូលនេះ មានគោលបំណងចម្បងនៃការរៀបចំសៀវភៅណែនាំស្តីពីនិតិវិធីវាស់កម្រិតអនុលោមភាពក្របខណ្ឌស្ដង់ដារគុណភាពជាតិ សម្រាប់ការផ្តល់សេវាសង្គមកិច្ច វាជាឧបករណ៍វិភាគកម្រិតអនុលោមភាព គឺដើម្បីវាយតម្ល កម្រិតនៃការអនុវត្ត និងការអនុលោមតាម "ក្របខណ្ឌស្ដង់ដារគុណភាពជាតិសម្រាប់ការផ្តល់សេវាសង្គមកិច្ច" ដែលបានកំណត់ ។ សិក្ខាសាលានេះនឹងជួយ កំណត់គម្លាត: ស្វែងរកចំណុចខ្វះខាត ឬគម្លាតរវាងការអនុវត្តជាក់ស្ដែង និងស្ដង់ដារគុណភាព ដែលបានកំណត់ តាមរយៈការវាយតម្លៃសូចនាករជាក់លាក់ ។ ការវិភាគ វាយតម្លៃប្រសិទ្ធភាពការផ្តល់សេវាសង្គមកិច្ចផ្អែកលើស្ដង់ដារ និងសូចនាករ មានស្រាប់ ។ ផ្តល់ជាមូលដ្ឋានសម្រាប់ការកែលម្អ ផ្តល់ទិន្នន័យជាក់លាក់ និងការរកឃើញជាប្រព័ន្ធសម្រាប់ធ្វើការ សម្រេចចិត្តក្នុងការកែលម្អគុណភាពសេវា និងរៀបចំផែនការអភិវឌ្ឍន៍ប្រកបដោយប្រសិទ្ធភាព បង្កើនគណនេយ្យភាព ធានាថាអ្នកផ្តល់សេវាមានគណនេយ្យភាពចំពោះគុណភាពសេវាកម្មរបស់ពួកគេនិងអាចបង្ហាញពីការប្តេជ្ញាចិត្តក្នុងការអនុលោមតាមបទដ្ឋានជាតិ ។

ក្នុហសិក្ខាសាលាពិគ្រោះយោបល់នេះ មានសមាសភាពចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោក លោកស្រីអគ្គនាយករង នាយករង ប្រធាននាយកដ្ឋាន លោកប្រធាន មណ្ឌលយុវនីតិសម្បទា និងតំណាងពីមជ្ឈមណ្ឌលជាតិព្យាបាល និងស្ដារនីតិសម្បទាអ្នកញៀនគ្រឿងញៀន និងមណ្ឌលថែទាំនិងព្យាបាលជនវិបល្លាសស្មារតី (កណ្ដាលស្ទឹង) លោក លោកស្រីប្រធានមន្ទីរស.អ.យ. ទាំង ២៥រាជធានី ខេត្ត និងមន្ត្រីតំណាងពីអង្គភាពចំណុះឱ្យក្រសួងស.អ.យ.ជាច្រើនរូបទៀតផង ៕

ដោយ៖ ណយ នឿន (ប្រភព៖ក្រសួងសង្គមកិច្ច)