AKP បន្ទាយមានជ័យថ្ងៃទី៣០ ខែឧសភាឆ្នាំ២០២៦--- នៅក្នុងពេលដែលការដោះស្រាយបញ្ហាព្រំដែនកំពុងស្ថិតក្នុងដំណាក់កាលស្វែង រកដំណោះស្រាយតាមគ្រប់មធ្យោបាយ និងផ្លូវច្បាប់អន្តរជាតិ សម្តេចធិបតី និងរាជរដ្ឋាភិបាលកម្ពុជា បាននឹងកំពុងបង្កើ នការយកចិត្តទុកដាក់ខ្ពស់បំផុតចំពោះសុខទុក្ខរបស់បងប្អូនប្រជាពលរដ្ឋភៀសសឹក ទាំងការរស់នៅ ស្បៀងអាហារ សុខភាព និងជាពិសេសការសិក្សារបស់កូនចៅ។

នេះជាការលើកឡើងរបស់ ឯកឧត្តម កែ គឹមយ៉ានអ្នកតំណាងរាស្ត្រមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាច ក្រកម្ពុជា ក្នុងឱកាសអញ្ជើញចុះសំណេះសំណាលសួរសុខទុក្ខ និងចែកអំណោយដល់លោកគ្រូ អ្នកគ្រូ និងសិស្សានុសិស្សនៅសាលារៀនភៀសសឹក (ស្នាក់នៅបណ្តោះអាសន្ននៅផ្ទះអតីតយុទ្ធជន) ស្ថិតក្នុងភូមិស្លក្រាម ឃុំស្លក្រាម ស្រុកស្វាយចេក កាលពីរសៀលថ្ងៃទី២៩ ខែឧសភា ឆ្នាំ២០២៦។

 ឯកឧត្តម កែ គឹមយ៉ាន បានគូសបញ្ជាក់ថា រាជរដ្ឋាភិបាលមិនដែលទុកពលរដ្ឋណាម្នាក់ចោលឡើយ ដោយបានខ្នះខ្នែងសម្រាលទុក្ខលំបាកជាបន្តបន្ទាប់។ តាមរយៈសមាគមអតីតយុទ្ធជន និងនិវត្តជនកម្ពុជា រាជរដ្ឋាភិបាលបានសាងសង់ផ្ទះបណ្តោះអាសន្នយ៉ាងសមរម្យ ក៏ដូចជាការកសាងហេដ្ឋារ ចនាសម្ព័ន្ធចាំបាច់ដូចជា ផ្លូវ ទឹកស្អាត អគ្គិស នី និងការរៀបចំសាលារៀន ដើម្បីធានាថាទោះបីជាស្ថិតក្នុងស្ថានភាពលំបាកក្តី ក៏កូនចៅប្រជាពលរដ្ឋនៅតែទទួលបាន ការអប់រំពេញលេញ។

ឯកឧត្តម បានអំពាវនាវដល់ប្រជាពលរ ដ្ឋទាំងអស់ សូមរក្សាជំនឿជឿជាក់លើការដឹកនាំរបស់រាជរដ្ឋាភិបាលក្នុងការដោះស្រាយបញ្ហាទាំងនេះជូនប្រជាព លរដ្ឋ។

ក្នុងឱកាសនោះ ឯកឧត្តម កែ គឹមយ៉ាន រួមជាមួយប្រតិភូអមដំណើរ និងការចូ លរួមសហការពីអ្នកគាំទ្រក្លឹបបាល់ទាត់វិសាខា បាននាំយកអំណោយដ៏ថ្លៃថ្លាផ្តល់ជូនដល់លោកគ្រូ អ្នកគ្រូ (៥៧នាក់) ក្នុងម្នាក់ៗទទួលបានអាវភ្លៀង១, សារុ ង១ និងថវិកា២០,០០០រៀល។សិស្សា នុសិស្ស (១,៧៣៥នាក់) ក្នុងម្នាក់ៗទទួលបានអាវភ្លៀង១ និងឃីតសិក្សា (សៀវភៅ១ក្បាល, ប៊ិច២ដើម, ខ្មៅដៃ១ដើម, នំ និងទឹកដោះគោ២ ប្រអប់)។សាលារៀនចំនួន៥ ក្នុងមួយសាលាទទួលបានថវិកាឧបត្ថម្ភចំនួន ៥០០,០០០រៀល។

លើសពីនេះ ក្រុមអ្នកគាំទ្រក្លឹបបាល់ទាត់វិសាខា ក៏បានចូលរួមឧបត្ថម្ភសម្ភារសិក្សា បាល់ និងទឹកសណ្ដែកជាច្រើនកេស ដើម្បីជាការលើកទឹកចិត្តដល់កុមារ និងក្រុមការងារដែលកំពុងបំពេញបេ សកកម្មនៅទីតាំងនេះផងដែរ។

កម្មវិធីនេះមានការអញ្ជើញចូលរួមយ៉ាងច្រើនកុះករពីសំណាក់ ឯកឧត្តម សមាជិកព្រឹទ្ធសភា, អ្នកតំណាងរាស្ត្រមណ្ឌលខេត្តបន្ទាយមានជ័យ, ប្រធានក្រុមប្រឹក្សាខេត្ត, តំណាងរដ្ឋបាលខេត្ត, អាជ្ញាធរមូលដ្ឋាន និងសមាជិក សមាជិកា ស.ស.យ.ក. ស្រុក-ឃុំ ដែលបង្ហាញពីស្មារតីសាមគ្គីភាពយ៉ាងរឹងមាំក្នុងការរួមសុខរួមទុក្ខជាមួយប្រជាពលរដ្ឋ៕

ដោយ ៖ឈុនសារ៉ាត