AKP ភ្នំពេញ ថ្ងៃទី២៧ ខែឧសភា ឆ្នាំ២០២៦--ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញដឹកនាំប្រតិភូខេត្ត ចូលរួមក្នុង «វេទិកាជំនួបអ្នកវិនិយោគឧស្សាហកម្មទីក្រុងហឺហ្វី ខេត្តអានហួយ និងខេត្តព្រះសីហនុ (កម្ពុជា)» ដែលបានរៀបចំឡើងនៅទីក្រុងហឺហ្វី សាធារណរដ្ឋប្រជាមានិត ចិន ដោយមានការសហ ការពីរដ្ឋបាលក្រុងហឺហ្វី និងអគ្គកុងស៊ុលកម្ពុជាប្រចាំទីក្រុងសៀងហៃ។

កម្មវិធីថ្ងៃទី២៦ ខែឧសភា ឆ្នាំ២០២៦ មានការអញ្ជើញចូលរួមពីលោក Yang Li ប្រធានការិយា ល័យការបរទេសទីក្រុងហឺហ្វី និងឯកឧត្តម ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ ព្រមទាំងតំណាងសហ គ្រាស និងក្រុម ហ៊ុនវិនិ យោគឈានមុខទីក្រុងហឺហ្វីចំនួន ៥០ក្រុមហ៊ុន។បណ្តាក្រុមហ៊ុនចិនដែល បានចូលរួមក្នុងជំនួបផ្គូរផ្គងធុរកិច្ចនេះ ភាគច្រើនជាសហគ្រាសធំៗដែលរកស៊ីលើវិស័យសក្តានុពល រួមមាន៖

• វិស័យគ្រប់គ្រងទឹក និងបរិស្ថាន៖ ក្រុមហ៊ុន Anhui Shunyu Water Affairs និង Anhui Tongyuan Environment Energy Saving។

• វិស័យថាមពលថ្មី និងបច្ចេកវិទ្យាឆ្លាតវៃ៖ ក្រុមហ៊ុន Anhui Oukun New Energy, Sichuang Electronics, និង Anhui Shengyun Intelligent Technology។

• វិស័យសំណង់ និងវិស្វកម្ម៖ ក្រុមហ៊ុន Anhui Runye Construction Engineering និង Anhui Yifeng Engineering Project Management។

• វិស័យពាណិជ្ជកម្មនាំ ចេញ-នាំចូល និងវិស័យផ្សេងៗទៀត។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានគូសបញ្ជាក់បើកជំនួបនាពេលនេះ ដោយឆ្លុះបញ្ចាំងពីការលើកកម្ពស់ទំនាក់ទំនងមិត្តភាពជា «មិត្តដែកថែប និងជាដៃគូយុទ្ធសាស្ត្រគ្រប់ជ្រុងជ្រោយ»។ ជាលទ្ធផល នៃភាពស៊ីសង្វាក់គ្នារវាង យុទ្ធសាស្ត្របញ្ចកោ ណ របស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា និងគំនិតផ្តួចផ្តើម «ខ្សែក្រវាត់ និងផ្លូវ» របស់ឯកឧត្តមប្រធានាធិបតី ស៊ី ជីនពីង ក្នុងការជំរុញក្របខណ្ឌកិច្ចសហប្រតិបត្តិការត្បូងពេជ្រ ពន្លឿនការកសាង «ច្រករបៀងឧស្សាហកម្ម និងបច្ចេកវិ ទ្យា» និងច្រករបៀងមច្ឆា និងអង្ករ។

ឯកឧត្តម អភិបាលខេត្ត បានធ្វើបទបង្ហាញពីភាពទាក់ទាញ និងសក្តានុពលរបស់ខេត្តព្រះសីហនុ ដែលជាប៉ូលសេដ្ឋកិច្ចដ៏សំខាន់របស់កម្ពុជា ក្នុងនាមជាទីក្រុងកំពង់ផែ ឧស្សាហកម្ម ពាណិ ជ្ជកម្ម និងទេស ចរណ៍។ បច្ចុប្បន្នខេត្តព្រះសីហនុមានតំបន់សេដ្ឋកិច្ចពិសេសកំពុងដំណើរការចំនួន ៧ទីតាំង បន្ថែមលើ នេះ រាជរដ្ឋាភិបាលបាននិងកំពុងរៀបចំ«ផែនការមេអភិវឌ្ឍខេត្តព្រះសី ហនុ ជា តំបន់សេដ្ឋកិច្ចពិសេសគំរូពហុបំណង (២០២៥- ២០៣៨)» សិក្សាដោយវិទ្យាស្ថាន UPDIS នៃទីក្រុងសិនជិន ដើម្បីប្រែ ក្លាយខេត្តព្រះសីហនុ ជា ច្រកទ្វារអន្តរជាតិ តំបន់ឧស្សាហកម្ម មជ្ឈមណ្ឌលពាណិជ្ជកម្ម មជ្ឈមណ្ឌលហិរញ្ញវត្ថុអន្តរជាតិ ទីក្រុងបៃតង ចីរភាព និងទីក្រុងវៃឆ្លាតក្នុងតំបន់អាស៊ាន។ 

ពិសេសជាងនេះទៅទៀត ឯកឧត្តមបានលើកឡើងពី «កម្មវិធីពិសេសជំរុញការ វិនិយោគក្នុងខេត្តព្រះសីហនុ ឆ្នាំ២០ ២៤» របស់សម្តេចធិបតី ហ៊ុន ម៉ាណែត ដែលផ្តល់ការលើកទឹកចិត្តពិសេសរួមមាន៖

១. ការលើកទឹកចិត្តផ្នែកពន្ធ លើកលែងពន្ធលើប្រាក់ចំណូល ពន្ធអប្បបរមារយៈពេល ៣ឆ្នាំ និងការនាំចូលសម្ភារសំណង់ បរិក្ខារផលិតកម្ម គឺពន្ធនិងអាករជាបន្ទុករបស់រដ្ឋ។

២. ការគាំទ្រផ្នែករដ្ឋបាលសម្រួលនីតិវិធីលិខិតអនុញ្ញាតសាងសង់ អាជ្ញាប័ណ្ណ និងលិខិតបទដ្ឋាននានា ដោយរហ័ស តម្លាភាព និងប្រសិទ្ធភាព។ ជំនួបនេះ មិនត្រឹមតែជាវេទិកាបង្ហាញពីភាពទាក់ទាញនៃបរិយា កាសវិនិយោគរបស់ខេត្តព្រះសីហនុប៉ុណ្ណោះទេ ប៉ុន្តែថែមទាំងជាស្ពានចម្លងដ៏សំខាន់ក្នុងការរឹតចំណង មិត្តភាព និងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគរវាង រដ្ឋបាលខេត្តព្រះសីហនុ និងទីក្រុងហឺហ្វី ឱ្យកាន់តែស៊ីជម្រៅ និងរឹងមាំថែមទៀត ដើម្បីឈានទៅសម្រេចបាននូវការអភិវឌ្ឍប្រកបដោយនិរន្តរ ភាព និងផលប្រយោជន៍ទៅវិញទៅមកសម្រាប់ប្រជាជនខេត្តក្រុងទាំងពីរ។

ឯកឧត្តម អភិបាលខេត្តបានអះអាងថា កម្ពុជានិងខេត្តព្រះសីហនុ មានសន្តិភាព ស្ថិរភាពនយោបាយ សន្តិសុខ និងសុវត្ថិ ភាពសង្គមល្អប្រសើរ ព្រមទាំងមានប្រជាពលរដ្ឋរស់រាយរាក់ទាក់ ពោរពេញដោយ ស្នាមញញឹម។ រដ្ឋបាលខេត្តបានដាក់ចេញនូវចក្ខុវិ ស័យ “ភាពជោគជ័យរបស់អ្នកវិនិយោគ គឺជាភាពរីក រាយរបស់យើងខ្ញុំ” សូមចាប់ដៃជាមួយរដ្ឋបាលខេត្តព្រះសីហនុ ដើម្បីឆ្ពោះទៅរកភាពជោគជ័យទាំងអស់គ្នា។ យើងខ្ញុំទាំងអស់គ្នាបានត្រៀមខ្លួនជាស្រេច ក្នុងការសហការ និងសម្របសម្រួលជូនវិនិ យោគទាំងអស់ឱ្យបានឆាប់រហ័ស តម្លាភាព និងមាន ប្រសិទ្ធភាពខ្ពស់ និងសូមអញ្ជើញលោក លោកស្រី ទាំងអ ស់គ្នា មកសិក្សាស្វែងយល់ពីឱកាសមាស នៃការវិនិយោគនៅខេត្តព្រះសីហនុ ជាពិ សេសក្នុងឱកាសដែលរាជរដ្ឋាភិបាល លើកលែងវីសហ្សាចាប់ពីថ្ងៃទី១៥ ខែមិថុ នា ដល់ថ្ងៃទី១៥ ខែតុលា ឆ្នាំ២០២៦ ខាងមុខនេះ៕ 

ដោយ៖ងូ សុមុនី