AKP ភ្នំពេញ ថ្ងៃទី១៦ ខែឧសភា ឆ្នាំ២០២៦---

ឯកឧត្តម សោម ចំណាន រដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះ បណ្តាលវិជ្ជាជីវៈ បានអញ្ជើញជាអធិបតីក្នុងសិក្ខាសាលាផ្សព្វផ្សាយប្រកាសលេខ០៩៨/២៦ ក.ប/ប្រ.ក.វ.ក ចុះថ្ងៃទី១៣ ខែមេសា ឆ្នាំ២០២៦ ស្តីពីក្រុមប្រឹក្សាអាជ្ញាកណ្តាល នាថ្ងៃទី១៣ ខែឧសភា ឆ្នាំ២០២៦ តាមប្រព័ន្ធនិម្មិត Zoom ដោយមានតំណាងអង្គការវិជ្ជាជីវៈរបស់កម្មករនិយោជិត និងតំណាងអង្គការវិជ្ជាជីវៈរបស់និយោជក សរុបចំនួន ២២៤នាក់។

ថ្លែងក្នុងឱកាសនោះ ឯកឧត្តមរដ្ឋលេខា ធិការបានបញ្ជាក់អំពី សារៈសំខាន់នៃសិក្ខាសាលាផ្សព្វផ្សាយនាពេលនេះ ដែលមានគោលបំណង ១-ណែនាំអំពីខ្លឹមសារប្រកាសលេខ០៩៨/២៦ ដែលកំណត់អំពីនីតិវិធីនៃការដោះស្រាយវិវាទការងាររួម និងវិវាទបុគ្គល ដោយក្រុមប្រឹក្សាអាជ្ញាកណ្តាល និង២-ពង្រឹងការយល់ដឹង និងបង្កើនសមត្ថភាពតំណាងអង្គការវិជ្ជាជីវៈរបស់កម្មករនិយោជិត និងអង្គការវិជ្ជាជីវៈរបស់និយោជក អំពីនីតិវិធីនៃការដោះស្រាយវិវាទការងារ។

បន្ថែមពីលើនេះ ឯកឧត្តមរដ្ឋលេខាធិការបានណែនាំឱ្យតំណាងអង្គការវិជ្ជាជីវៈរបស់កម្មករនិយោជិត និងអង្គការវិជ្ជាជី វៈរបស់និយោជកបន្តសិក្សាឈ្វេងយល់បន្ថែមឱ្យបានច្បាស់លាស់អំពីបច្ចុប្បន្ន ភាពនីតិវិធីនៃការដោះ ស្រាយវិវាទការងាររួម និងវិវាទបុគ្គល ដើម្បីចូលរួមចំណែកក្នុងការពង្រឹងការអនុវត្តច្បាប់ប្រកបដោយសង្គតិភាព។

ឯកឧត្តមរដ្ឋលេខាធិការក៏បានលើកទឹក ចិត្តឱ្យភាគីពាក់ព័ន្ធប្រើប្រាស់នូវយន្តការដែលមានកំណត់ក្នុងច្បាប់និងបទប្បញ្ញ ត្តិពាក់ព័ន្ធចៀសវាងការអនុវត្តខុសនីតិវិធីច្បាប់៕

ដោយ៖ ប៊ុនរិទ្ធ,ប្រភព៖ ក្រសួងការងារ