AKP កណ្តាល ថ្ងៃទី០៦ ខែឧសភា ឆ្នាំ២០២៦--លោកស្រី ស្រ៊ុន ស្រីនាង អភិបាលរង ខេត្តកណ្តាល បានលើកឡើងថា ការផ្សព្វផ្សាយយន្តការចេញលតែមួយឱ្យបានកាន់ទូលំទូលាយដល់ប្រជាពលរដ្ឋនៅមូលលដ្ឋានយល់ដឹងកាន់តែច្បាស់ គឺបានជួយកាត់បន្ថយការប្រើសេវាកម្រៃ ជើងសា លើសេវារដ្ឋបាលរបស់ប្រជាព លរដ្ឋ។

លោកស្រី អភិបាលរងខេត្តកណ្តាល បានលើកឡើងថា បន្តថាគោលបំណង ក្នុងវគ្គបណ្តុះបណ្តាលនេះគឺដើម្បី លើកកម្ពស់ ប្រសិទ្ធភាព ប្រសិទ្ធផល តម្លាភាព និងគណនេយ្យភាព ក្នុងការផ្តល់សេវារដ្ឋបាលជូនប្រជាពលរដ្ឋនៅមូលដ្ឋានឱ្យកាន់តែបានល្អប្រសើរស្របតាមស្មារតីលិខិតបទដ្ឋានជាធរ មាន ។ ពង្រឹងការអនុវត្តតួនាទីបុគ្គលិកបំរើសេវានៅយន្តការច្រកចេញចូលតែមួយនៃរដ្ឋបាលឃុំ សង្កាត់ កាន់តែមានប្រសិទ្ធភាព តម្លាភាព និងគណនេយ្យភាព ។
 
លោកស្រី ស្រ៊ុន ស្រីនាង បានលើកឡើងដូចនេះនៅថ្ងៃទី០៦ ខែឧសភា ឆ្នាំ២០២៦ ពេលអញ្ជើញដឹកនាំ កិច្ចប្រជុំ វគ្គបណ្តុះបណ្តាល ពង្រឹងការអនុវត្តបែបបទ និងនីតិវិធី នៃការផ្តល់សេវារដ្ឋបាល តាមយន្តការច្រកចេញចូលតែមួយនៃរដ្ឋបាលឃុំ សង្កាត់ ដោយមានការចូលរួមពី លោកនាយករងរដ្ឋបាលសាលាខេត្ត លោកប្រធានអង្គភាពច្រក ចេញចូលតែមួយខេត្ត លោក-លោកស្រីអភិបាលរង ស្រុកមុខកំពូល ស្រុកកៀនស្វាយ ស្រុកល្វាឯម ក្រុងអរិយក្សត្រ  ស្រុកកណ្ដាលស្ទឹង ស្រុកអង្គស្នួល ស្រុកពញាឮ និងក្រុងសំពៅពួន ដែលទទួលបន្ទុក មេឃុំ ចៅសង្កាត់ និងអ្នកពាក់ព័ន្ធផងដែរ តាមរយៈប្រព័ន្ធ Online Zoom នៅសាលប្រជុំសាលា ខេត្តកណ្តាល៕

ដោយ៖ ណយ នឿន ,ប្រភព៖រដ្ឋបាលខេត្តកណ្តាល