AKP បន្ទាយមានជ័យ ថ្ងៃទី៣០ ខែមេសា ឆ្នាំ២០២៦ --  រដ្ឋាភិបាលសហរដ្ឋអាមេរិក បានបញ្ជាក់ជាថ្មីនូវការប្តេជ្ញាចិត្តក្នុងការចូលរួមថែ រក្សាសន្តិភាព និងជំរុញឱ្យមានបទឈប់បាញ់យូរអង្វែងនៅតាមបណ្តោយព្រំដែ នកម្ពុជា-ថៃ ខណៈដែលខ្លួនកំពុងបង្កើនការគាំទ្រផ្នែកមនុស្សធម៌ដល់ប្រជា ពលរ ដ្ឋដែលរងគ្រោះដោយសារជម្លោះតាមព្រំដែន។

     
ការថ្លែងបញ្ជាក់នេះបានធ្វើឡើងក្នុងឱកាសដែល លោកស្រី រ៉ូណា រ៉ាធោទ (Rona Rathod)ប្រធានផ្នែកនយោ បាយនៃស្ថានទូតសហរដ្ឋអាមេរិកប្រចាំកម្ពុជា បានដឹកនាំប្រតិភូចុះបំពេញទស្ស នកិច្ច និងពិភាក្សាការងារជាមួយ ឯកឧត្តម អ៊ុ រាត្រីអភិបាលនៃគណៈអភិបាលខេត្តបន្ទាយមានជ័យ នៅសាលាខេត្តនិងមណ្ឌលជនភៀស សឹកស្នាក់នៅបណ្ដោះអាសន្ន ក្នុងភូមិស្លក្រាម ឃុំស្លក្រាម ស្រុកស្វាយចេក កាលពីរសៀលថ្ងៃទី២៩ ខែមេសា ឆ្នាំ២០២៦នេះ។

ក្នុងជំនួបនោះ លោកស្រី រ៉ូណា រ៉ាធោទ បានលើកឡើងនូវចំណុចសំខាន់ៗកត្តាសន្តិភាពរដ្ឋាភិបាលសហរដ្ឋអាមេរិកផ្ដោតសំខាន់លើការរក្សាសន្តិភាព និងចង់ឃើញបទឈប់បាញ់យូរអង្វែងនៅតំបន់ព្រំដែន ដើម្បីធានាដល់ស្ថិរភាពក្នុងតំបន់អាស៊ានទាំងមូល ។ការបោស សម្អាតគ្រាប់យុទ្ធភ័ណ្ឌ សហរដ្ឋអាមេរិកនឹងបន្តបេសកកម្មជួយបោសសម្អាតគ្រាប់យុទ្ធភ័ណ្ឌមិនទាន់ផ្ទុះដែលសេស សល់ពីសម័យសង្គ្រាម តាមដីស្រែចម្ការរបស់ប្រជាពលរដ្ឋ ដើម្បីសុវត្ថិភាពក្នុងការបង្កបង្កើនផល។

លោកស្រីថាជំនួយមនុស្សធម៌ស្ថានទូតអាមេរិកបានត្រៀមថវិកាមួយចំនួនសម្រាប់ជួយដល់តំបន់រងផលប៉ះពាល់នាពេលថ្មីៗនេះ តាមរយៈការផ្ដល់ជំនួយដល់ជនភៀសសឹកក្នុងក្របខ័ណ្ឌអង្គការអន្តរជាតិទេសន្តរប្រវេសន៍ (IOM) និងសហការជាមួយក្រុម AOT។

ឯកឧត្តមបានគូសបញ្ជាក់ពីផលប៉ះពាល់យ៉ាងធ្ងន់ធ្ងរពីជម្លោះប្រដាប់អាវុធកន្លង មក ដែលបង្កឱ្យមានវិនាសកម្មលើហេដ្ឋារចនាសម្ព័ន្ធរូបវន្តដូចជា ផ្លូវថ្នល់ សាលារៀន មណ្ឌលសុខភាព និងវត្តអា រាម។អ្វីដែលជាបញ្ហាប្រឈមខ្លាំងបំផុតនោះគឺគ្រាប់បែកចង្កោមមានគ្រាប់យុទ្ធភ័ណ្ឌមិនទាន់ផ្ទុះ ជាពិសេសគ្រាប់បែកចង្កោមរាយប៉ាយស្ទើរគ្រប់ទីកន្លែងតាមបណ្តាក្រុង-ស្រុកជាប់ព្រំដែន។ការបាត់ បង់ជីវិត និងទ្រព្យសម្បត្តិ ជម្លោះបានធ្វើឱ្យជនស៊ីវិល ៩នាក់ស្លាប់ ៧៧នាក់របួស និងខូចខាតផ្ទះសម្បែងជាង ២,០០០ខ្នង។ការបាត់បង់ដីធ្លី បច្ចុប្បន្ន ប្រជាពលរដ្ឋក្នុងភូមិចំនួន ៦ ក្នុងស្រុកអូរជ្រៅ និងស្រុកថ្មពួក នៅមិនទាន់អាចត្រឡប់ទៅរស់នៅវិញបានឡើយ ដោយ សារទាហានថៃនៅតែបន្តគ្រប់គ្រង និងហ៊ុព័ទ្ធដោយបន្លាលួស និងកុងតឺន័រ។
    
ទោះជាយ៉ាងណា ឯកឧត្តអភិបាលខេត្ត បានបញ្ជាក់ថា ក្រោមការយកចិត្តទុកដាក់ខ្ពស់ពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រាជរដ្ឋាភិបាលបានដាក់ចេញនូវគោលការណ៍រៀបចំជម្រកបណ្តោះអាសន្នថ្មីដែលមានលក្ខណៈប្រសើរជាងមុន។ ក្នុងនោះ គ្រួសាររងគ្រោះនីមួយៗទទួលបានដីទំហំ ២០ម៉ែត្រ x ៣០ម៉ែត្រ លើផ្ទៃដីសរុប ៤០០ហិកតា ដើម្បីសាងសង់លំនៅដ្ឋានស្នាក់នៅ និងបង្កបង្កើនផលឱ្យមានជីវភាពសមរម្យឡើងវិញ៕

ដោយ ៖ឈុនសារ៉ាត