AKP ភ្នំពេញ ថ្ងៃទី២១ ខែមេសា ឆ្នាំ២០២៦--ឯកឧត្តម គង់ ផល្លៈ រដ្ឋលេខាធិការក្រសួងប្រៃសណីយ៍ និងទូរគមនាគមន៍ (ក.ប.ទ.) កាលពីថ្ងៃទី២០ ខែមេសា ឆ្នាំ២០២៦ បានអញ្ជេីញដឹកនាំកិច្ចប្រជុំពិភាក្សាជាមួយទីប្រឹក្សាច្បាប់និងទីប្រឹក្សាបច្ចេកទេសបារាំង ពាក់ព័ន្ធនឹងសេចក្តីព្រាងច្បាប់ចំនួន៣ ។

 សេចក្តីព្រាងច្បាប់ចំនួន៣ រួមមាន ទី១ សេចក្តីព្រាងច្បាប់ស្តីពីកិច្ចការពារទិន្ន ន័យបុគ្គល ទី២  សេចក្តីព្រាងច្បាប់ស្តីពី បច្ចេកវិទ្យាគមនាគមន៍និងព័ត៌មាន និង ទី៣ សេចក្តីព្រាងច្បាប់ស្តីពីរដ្ឋាភិបាលឌីជីថល ក្រោមគម្រោង របស់ Agence Francaise de Development (AFD)។ 

កិច្ចប្រជុំនេះមានការចូលរួមពីតំណាងក្រុមការងារនីតិកម្ម អគ្គលេខាធិការដ្ឋាននៃគណៈកម្មាធិការរដ្ឋាភិបាលឌីជីថល អគ្គនាយកដ្ឋានបច្ចេកវិទ្យាគមនាគមន៍និងព័ត៌មាន និងអគ្គនាយកដ្ឋានរដ្ឋបាល (នាយកដ្ឋាននីតិកម្ម) ព្រមទាំងក្រុមការ ងារ AFD តំណាងស្ថានទូតបារាំងប្រចាំកម្ពុជា និងតំណាង Expertise France​  នៅទីស្តីការ​ក.ប.ទ. ៕ 

ដោយ ៖ណយ នឿន ,ប្រភព៖ក្រសួងប្រៃសណីយ៍