AKP ឧត្តរមានជ័យ ថ្ងៃទី២១ ខែមេសា ឆ្នាំ២០២៦--ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ ចុះត្រួតពិនិត្យផ្ទាល់នូវវឌ្ឍនភាពនៃការ រៀបចំទីតាំងផ្សារលក់បន្លែដែលគ្រោងនឹងសាងសង់ថ្មី ក្នុងភូមិសាស្ត្រក្រុងសំរោង កាលពីថ្ងៃចន្ទ ៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែមេសា ឆ្នាំ២០២៦ ដោយ មានចូលរួមពីក្រុមការងារជំនាញ និងមន្ត្រីពាក់ព័ន្ធជាច្រើនរូបទៀត ។ 

ឯកឧត្តម មាន ចាន់យ៉ាដា បានមាន ប្រសាសន៍ថា ការរៀបចំសណ្ដាប់ធ្នាប់សាធារណៈឱ្យមានរបៀបរៀបរយ ស្របតាមការរីកចម្រើននៃខេត្តឧត្តរ មានជ័យ គឺជាកិច្ចការអាទិភាពដែលរដ្ឋបាលខេត្តតែងតែយកចិត្តទុកដាក់ខ្ពស់ ។ ទីតាំងនៃគម្រោងផ្សារថ្មីនេះ មានគោលបំណងកាត់បន្ថយការលក់ដូរអនាធិបតេយ្យតាមដងផ្លូវ ដែលបង្កឱ្យមានការកកស្ទះចរាចរណ៍ និងប៉ះពាល់ដល់សោភ័ណ ភាពខេត្តយើង។ មិនតែប៉ុ ណ្ណោះជាការបង្កើត "ផ្ទះរួម" ដ៏មានរបៀប មិនមែនជាការរឹតត្បិតសេរីភាពនៃការលក់ដូរនោះទេ ប៉ុន្តែគឺជាការរៀបចំកន្លែងលក់ដូរមួយដ៏មានរបៀបរៀបរយ មានអនាម័យ និងមានសុវត្ថិភាព ដើម្បីឱ្យការរកស៊ីរបស់បងប្អូនអាជីវករកាន់តែងាយស្រួល និងទទួលបានចំណូលខ្ពស់។ 

ឯកឧត្តមបន្តថា លើសពីនេះទៅទៀត ដើម្បីជាការជំរុញពាណិជ្ជកម្មកសិកម្ម ដែលផ្សារនេះនឹងក្លាយជាមជ្ឈមណ្ឌលប្រមូលផ្ដុំកសិផលបន្លែបង្ការក្នុងមូល ដ្ឋាន ជួយសម្រួលដល់ការផ្គត់ផ្គង់ និងការចែកចាយក្នុងខេត្តឱ្យកាន់តែមានប្រសិទ្ធភាព។

​ឯកឧត្តមអភិបាលខេត្ត ក៏បានបញ្ជាក់ថា រដ្ឋបាលខេត្ត នឹងបន្តខិតខំអភិវឌ្ឍន៍ហេ ដ្ឋារចនាសម្ព័ន្ធ និងសេវាសាធារណៈ ដើម្បីឆ្លើយតបទៅនឹងតម្រូវការជាក់ ស្ដែងរបស់ប្រជាពលរដ្ឋ និងដើម្បីសម្រេចឱ្យបាននូវទិសដៅ «ទីក្រុងស្អាត សេវាល្អ» ៕ 

ដោយ៖ទិត ស្រ៊