AKP កំពង់ធំ ថ្ងៃទី១៧ ខែមេសា ឆ្នាំ២០២៦--នៅថ្ងៃទី៣នៃពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំមមីអដ្ឋស័កព.ស២៥៧០ថ្ងៃទី១៦ ខែមេសា ឆ្នាំ២០២៦ មានភ្ញៀវទេសចរជាតិ និងអន្តរជាតិមកលេងកម្សាន្តក្នុងខេត្តកំពង់ធំចំនួន២០៣ ៧៣៦នាក់។

លោកសេង អានប្រធានមន្ទីរទេសចរណ៍ខេត្តកំពង់ធំបានបញ្ជាក់ថាពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំនេះបានប្រព្រឹត្តទៅយ៉ាងសប្បាយរីករាយ និងមានសភាពអ៊ូអរយ៉ាងខ្លាំងជាពិសេសសង្ក្រាន្តកំពង់ធំដែលរៀបចំឡើងនៅតាមបណ្ដោយសួនច្បារដងស្ទឹង។ដោយមានភ្ញៀវទេសចរជាតិ និងអន្តរជាតិមកលេងកម្សាន្តតាមរមណីយដ្ឋាននានាក្នុងខេត្តកំពង់ធំមានចំនួន៦៦៧៩នាក់។

ភ្ញៀវទេសចរ និងប្រជាពលរដ្ឋមកលេងកម្សាន្តសង្រ្កាន្តកំពង់ធំនៅសួនដងស្ទឹងសែន មានប្រមាណ៥៥០០០នាក់និងភ្ញៀវទេសចរនិងបងប្អូនប្រជាពលរដ្ឋមកលេងតាមវត្តអារ៉ាមក្នុងខេត្តកំពង់ធំចំនួនប្រមាណ១៤១ ៣៩៩នាក់។

សូមរំលឹកថា នៅថ្ងៃទី២នៃពិធីបុណ្យចូលឆ្នាំថ្មីប្រពៃណីជាតិខ្មែរថ្ងៃទី១៥ខែ មេសាឆ្នាំ២០២៦ មានទេសចរ និងបងប្អូនប្រជាពលរដ្ឋមកលេងកម្សាន្តក្នុងខេត្តកំពង់ធំចំនួន១៧៦ ៥៤៣នាក់ក្នុងនោះភ្ញៀវទេសចរ និងបងប្អូនប្រជាពលរដ្ឋមកលេងកម្សាន្តតាម រមណីយដ្ឋាននានាក្នុងខេត្តកំពង់ធំចំនួន៦៩៣៥នាក់។ភ្ញៀវទេសចរនិងប្រជាពលរដ្ឋមកលេងកម្សាន្តសង្រ្កាន្តកំពង់ធំនៅសួនដងស្ទឹងសែនចំនួនប្រមាណ៣៨០០០នាក់និងភ្ញៀវទេសចរនិងបងប្អូនប្រជាពលរដ្ឋមកលេងតាមវត្តអារ៉ាមប្រមាណ១៣០ ៩៨៩នាក់ ។ហើយនៅថ្ងៃទី១នៃវិធីបុណ្យចូលឆ្នាំថ្មីប្រពៃណីជាតិខ្មែរថ្ងៃទី១៤ខែមេសាឆ្នាំ២០២៦មានភ្ញៀវទេសចរនិងបងប្អូនប្រជាពលរដ្ឋមកលេងកម្សាន្តក្នុងខេត្តកំពង់ធំចំនួនប្រមាណ១៥៤ ០៧៩នាក់ក្នុងនោះភ្ញៀវទេសចរ និងបងប្អូនប្រជាពលរដ្ឋមកលេងកម្សាន្តតាមរមណីយដ្ឋាននានាក្នុងខេត្តកំពង់ធំចំនួន៣៧៦០នាក់។ភ្ញៀវទេសចរ និងប្រជាពលរដ្ឋមកលេងកម្សាន្តសង្រ្កាន្តកំពង់ធំនៅសួនដងស្ទឹងសែនចំនួនប្រមាណ២៧០០០នាក់ និងភ្ញៀវទេសចរ និងបងប្អូនប្រជាពលរដ្ឋមកលេងតាមវត្តអារ៉ាមចំនួនប្រមាណជា១២២ ៧៣៩នាក់៕

ដោយ ស៊ុម វណ្ណា