AKP កណ្ដាល ថ្ងៃទី០៧ ខែមេសា ឆ្នាំ២០២៦-- លោក ប្រាក់ សារ៉ាត អភិបាលរងខេត្តកណ្តាល នៅថ្ងៃទី០៧ ខែមេសា ឆ្នាំ២០២៦ បានអញ្ជើញចុះពិនិត្យទីតាំងស្នើសុំបង្កើតរោងចក្រថ្មីពីរ គឺរោងចក្រផលិតផលិតផលពីក្រដាស និងស្កុត របស់ក្រុមហ៊ុន QING HONG PAPER CO., LTD. និងរោងចក្រកាត់ដេរសម្លៀកបំពាក់របស់ក្រុមហ៊ុន XINTONGFU (CAMBODIA) GARMENTS CO., LTD. នៅស្រុកកណ្តាលស្ទឹង ដែលទទួលកម្មករចូលធ្វើការបាន៦០៣នាក់។

លោក ប្រាក់ សារ៉ាត បានលើកឡើងថា ទី១. ការសុំបង្កើតរោងចក្រផលិតផលិតផលពីក្រដាស និងស្កុត របស់ក្រុមហ៊ុន QING HONG PAPER CO., LTD. ដែលមានទីតាំងស្ថិតនៅភូមិស្រែគោក ឃុំអន្លង់រមៀត ស្រុកកណ្តាលស្ទឹង ខេត្តកណ្តាល នៅពេលចាប់ផ្ដើមដំណើរការមានតម្រូវការពលកម្មចំនួន១២៧នាក់ ក្នុងនោះបរទេសចំនួន៧នាក់ និងពេលពេញសមត្ថភាពមានតម្រូវការ ចំនួន ១៤៨ នាក់ ក្នុងនោះបរទេសចំនួន ៨នាក់។

ទី២. ការសុំបង្កើតរោងចក្រកាត់ដេរសម្លៀកបំពាក់ របស់ក្រុមហ៊ុន XINTONGFU (CAMBODIA) GARMENTS CO., LTD. ស្ថិតនៅឃ្លាំងលេខ#285C1 ផ្លូវលំ ភូមិត្រពាំងបារគូ ឃុំត្រពាំងវែង ស្រុកកណ្តាលស្ទឹង ខេត្តកណ្តាល។ រោងចក្រនេះពេលចាប់ផ្ដើមដំណើរការមានតម្រូវការពលកម្មចំនួន៤៧៦នាក់ ក្នុងនោះបរទេសចំនួន៥នាក់ និងពេលពេញសមត្ថភាពមានតម្រូវការចំនួន៤៨១នាក់ ក្នុងនោះបរទេសចំនួន៥នាក់៕

ដោយ ណយ នឿន (ប្រភព៖ រដ្ឋបាលខេត្តកណ្តាល)