AKP ភ្នំពេញ ថ្ងៃទី៣ ខែមេសា ឆ្នាំ២០២៦ -- ស្របពេលដែលប្រជាជនកម្ពុជាត្រៀមខ្លួនប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរខាងមុខ ក្រុមហ៊ុនអាកាសចរណ៍ Vietjet បានផ្ដល់ប្រូម៉ូសិនមានពេលកំណត់ ដោយបញ្ចុះតម្លៃ ១០% លើតម្លៃសំបុត្រ Deluxe និងឱកាសដើម្បីទទួលបានសំបុត្រ Eco ក្នុងការបញ្ចុះតម្លៃ ១០០%។  ជាមួយនឹងជើងហោះហើរប្រចាំថ្ងៃរបស់ Vietjet រវាងខេត្តសៀមរាប និងទីក្រុងហាណូយ រួមជាមួយនឹងបណ្តាញជើងហោះហើរនៅអាស៊ីប៉ាស៊ីហ្វិក កម្មវិធីផ្ដល់ជូននេះ ជាពេលវេលាពិសេសជាងពេលណាៗទាំងអស់ ក្នុងការទៅលេងកម្សាន្ត នៅប្រទេសវៀតណាម និងទីកន្លែងផ្សេងៗទៀត។ នេះបើយោងតាមសេចក្ដីប្រកាសព័ត៌មានរបស់ក្រុមហ៊ុន Vietjet។

ក្នុងសេចក្ដីប្រកាសព័ត៌មានបានឱ្យដឹងថា ចាប់ពីពេលនេះរហូតដល់ម៉ោង ២៣:០០ នៃថ្ងៃទី១២ ខែមេសា ឆ្នាំ២០២៦ អ្នកដំណើរដែលកក់សំបុត្រ Deluxe អាចរីករាយជាមួយនឹងការបញ្ចុះតម្លៃ ១០% លើផ្លូវហោះហើរសៀមរាប-ហាណូយ និងផ្លូវហោះហើរអន្តរជាតិផ្សេងទៀតទៅកាន់/ពីប្រទេសវៀតណាមដោយប្រើលេខកូដ DLX10 និងការបញ្ចុះតម្លៃ ១៥% លើសេវាកម្មក្នុងស្រុកនៅក្នុងប្រទេសវៀតណាមដោយប្រើលេខកូដ DLX15 ។ ការផ្តល់ជូនពិសេសនេះ អនុវត្តន៍ចំពោះការកក់សំបុត្រដែលធ្វើឡើងតាមរយៈគេហទំព័រ និងកម្មវិធីទូរសព្ទផ្លូវការរបស់ Vietjet សម្រាប់ការធ្វើដំណើរ ដល់ថ្ងៃទី ៣១ ខែសីហា ឆ្នាំ២០២៦។ 

ជាមួយគ្នានេះ ដើម្បីផ្តល់តម្លៃកាន់តែពិសេសសម្រាប់អ្នកធ្វើដំណើរពីប្រទេសកម្ពុជា Vietjet ក៏នឹងចាប់ផ្តើមកម្មវិធីលក់សំបុត្រ “Double Day” រយៈពេលតែមួយថ្ងៃ នៅថ្ងៃទី៤ ខែមេសា ឆ្នាំ២០២៦ ដោយផ្តល់ឱ្យអ្នកដំណើរនូវឱកាសទទួលបានការបញ្ចុះតម្លៃ ១០០% លើសំបុត្រ Eco ជាមួយនឹងលេខកូដប្រូម៉ូសិន SUPERSALE100។ កម្មវិធីនេះ អនុវត្តន៍លើគ្រប់បណ្តាញទាំងមូលរបស់ Vietjet ហើយអាចធ្វើការកក់សំបុត្រចន្លោះពីម៉ោង ០០:០០ ដល់ ២៣:០០ នៅថ្ងៃទី៤ ខែមេសា ឆ្នាំ២០២៦ សម្រាប់ការធ្វើដំណើរចាប់ពីថ្ងៃទី៥ ខែកញ្ញា ឆ្នាំ ២០២៦ ដល់ថ្ងៃទី៣១ ខែមីនា ឆ្នាំ២០២៧ ។ 

សូមបញ្ជាក់ផងដែរថា បន្ថែមពីលើកម្មវិធីដ៏រំភើបអស្ចារ្យនោះ រាល់ការកក់សំបុត្រដែលជោគជ័យធ្វើឡើងត្រឹមថ្ងៃទី១៩ ខែឧសភា ឆ្នាំ ២០២៦ នឹងបញ្ចូលអ្នកដំណើរដោយស្វ័យប្រវត្តិទៅក្នុងកម្មវិធីចាប់ឆ្នោតផ្សងសំណាង “ធ្វើដំណើរជាមួយ Vietjet មានឱកាសឈ្នះរង្វាន់មាស Fly Vietjet Strike Gold” របស់ក្រុមហ៊ុន Vietjet ដោយមានរង្វាន់ជាច្រើនដូចជា មាស ៩៩៩.៩ តម្លឹង ប័ណ្ណទឹកប្រាក់អេឡិចត្រូនិកដែលមានតម្លៃខ្ពស់ និងរង្វាន់ដ៏គួរឱ្យទាក់ទាញផ្សេងៗទៀត៕

ដោយ៖ រិទ្ធី