AKP  ភ្នំពេញ ថ្ងៃ២៥  ខែវិច្ឆិកា  ឆ្នាំ២០២៥---

ក្រសួងកិច្ចការនារី បានរៀបចំសន្និសីទភាពជាដៃគូស្តីពី“ការជំរុញកិច្ចការអាទិភាពនៅកម្ពុជាសម្រាប់សមភាពយេនឌ័រ និងពង្រឹងភាពអង់អាចដល់ក្មេងស្រីឆ្នាំ២០២៦-២០២៨ និងឆ្នាំបន្តបន្ទាប់ ”  ក្រោមអធិបតីភាព លោកជំទាវ គង់ សូរីតា រដ្ឋលេខាធិការក្រសួងកិច្ចការនារី នៅសណ្ឋាគារកាំបូឌីយ៉ាណា នាថ្ងៃអង្គារ ទី២៥ ខែវិច្ឆិកា ឆ្នាំ២០២៥     សមាសភាពចូលរួមមាន -មន្រ្តីក្រសួងកិច្ចការនារី ស្ថានទូត អង្គការមិនមែនរដ្ឋាភិបាល/សង្គមស៊ីវិល ដៃគូអភិវឌ្ឍន៍ វិស័យឯកជន ស្ថាប័នសិក្សា និងស្រាវជ្រាវ សរុបប្រមាណ១០៨នាក់។

ក្នុងគោលបំណង , ផ្តល់បច្ចុប្បន្នភាពលើស្ថានភាពនៃវឌ្ឍនភាពការជំរុញសមភាពយេនឌ័រនៅកម្ពុជា និងអាទិភាពជាយុទ្ធសាស្ត្រសម្រាប់ឆ្នាំ ២០២៦-២០២៨      ,ពង្រឹងកិច្ចសហប្រតិបត្តិការជាយុទ្ធសាស្ត្រ និងការផ្លាស់ប្តូរបទពិសោធន៍ ឧត្ដមានុវត្តរវាងរដ្ឋាភិបាល ដៃគូអភិវឌ្ឍន៍ វិស័យឯកជន និងសង្គមស៊ីវិល ដើម្បីលើកកម្ពស់សមភាពយេនឌ័រនៅកម្ពុជា ,  ការប្តេជ្ញាចិត្ត និងការគាំទ្ររបស់ភាគីពាក់ព័ន្ធក្នុងការសម្រេចបាននូវគំនិតផ្តួចផ្តើមនារីរតនៈទី៦៕

ដោយ៖ ពេជ្រ សំអឿន( ប្រភព៖  ក្រសួងកិច្ចការនារី )