AKP ព្រះវិហារ ថ្ងៃទី១៧ ខែកញ្ញា ឆ្នាំ២០២៥

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានអញ្ជើញចូលរួមកម្មវិធីរត់សហគមន៍ “ផ្លូវកោះកេរ” នៅភូមិកោះកេរ ឃុំស្រយង់ ស្រុកគូលែន ខេត្តព្រះវិហារ នាព្រឹកថ្ងៃទី១៧ ខែកញ្ញា ឆ្នាំ២០២៥ ដោយមានការចូលរួមពី ឯកឧត្តម គីម រិទ្ធី អភិបាលខេត្តព្រះវិហារ ថ្នាក់ដឹកនាំ មន្ត្រីរាជការ ក្រុមបាល់ទាត់មនុស្សធម៌ និងបងប្អូនប្រជាពលរដ្ឋចូលរួមជាង ១ ០០០ នាក់។

សូមជម្រាបជូនថា ព្រឹត្តការណ៍នេះ ត្រូវបានរៀបចំឡើងដើម្បីអបអរសាទរខួប ២ ឆ្នាំ នៃការដាក់បញ្ចូលរមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក ១៧ កញ្ញា ២០២៣-១៧ កញ្ញា ២០២៥។ សម្រាប់ការរត់នេះមានចម្ងាយសរុប ៩ គីឡូម៉ែត្រ ជុំវិញផ្លូវប្រាសាទកោះកេរ ដើម្បីបង្ហាញពីការគាំទ្រ និងការចូលរួមក្នុងការថែរក្សាបេតិកភណ្ឌជាតិ៕

ដោយ៖ AKP