AKP ភ្នំពេញ ថ្ងៃទី២៧ ខែសីហា ឆ្នាំ២០២៥-- ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អញ្ជើញដឹកនាំប្រជុំពិភាក្សាស្តីពីការស្នើសុំជួសជុល សាងសង់ និងស្តារប្រឡាយទំនប់ អាងទឹក ស្រះ ត្រពាំង នៅតំបន់២នៃតំបន់បឹងទន្លេសាប ក្នុងខេត្តសៀមរាប នារសៀលថ្ងៃទី២៦ ខែសីហា ឆ្នាំ២០២៥ នៅសាលប្រជុំសាលាខេត្តសៀមរាប។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានលើកឡើងថា កិច្ចប្រជុំពិភាក្សា ស្តីពីការស្នើសុំជួសជុល សាងសង់ និងស្តារប្រឡាយ ទំនប់ អាងទឹក ស្រះ ត្រពាំង នៅតំបន់២ នៃតំបន់បឹងទន្លេសាប ក្នុងភូមិសាស្ត្រខេត្តសៀមរាប ពិតជាមានសារសំខាន់ណាស់ ដើម្បីបំរើផលប្រយោជន៍កសិកម្ម ហើយក៏ត្រូវតែយកចិត្តទុកដាក់ខ្ពស់ ក្នុងការការពារ ប្រព័ន្ធការពារអេកូឡូស៊ីនៅ ក្នុងតំបន់នោះផងដែរ។

ក្នុងកច្ចប្រជុំនោះក៏មានការចូលរួមពីឯកឧត្តម យិន ងួនកូលេនីន អនុរដ្ឋលេខាធិការ ឯកឧត្តម សរ គឹមសាន្ត អគ្គលេខាធិការ លោក វិន ប៊ុនពៅ ប្រធាននាយកដ្ឋានធនធានធម្មជាតិ និងមន្ត្រីបច្ចេកទេស អាជ្ញាធរទន្លេសាប លោក ថាំង វីយុទ្ធដា ប្រធាននាយកដ្ឋានវិស្វកម្ម នៃក្រសួងធនធានទឹក និងឧតុនិយម រួមនឹងតំណាងរដ្ឋបាលខេត្ត ស្រុក ឃុំ ដែលមានការពាក់ព័ន្ធ៕

ដោយ ណយ នឿន (ប្រភព៖ អាជ្ញាធរទន្លេសាប)