AKP ភ្នំពេញ ថ្ងៃទី៣១ ខែកក្កដា ឆ្នាំ២០២៥ -- គណៈប្រតិភូរដ្ឋបាលរាជធានីភ្នំពេញដឹកនាំដោយ ឯកឧត្ដម ឃួង ស្រេង អភិបាលរាជធានីភ្នំពេញ បានចុះសួរសុខទុក្ខ ព្រមទាំងនាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនកងទ័ពជួរមុខដែលកំពុងសម្រាកព្យាបាលរបួសដោយសង្គ្រាម ក្នុងម្នាក់ៗ ទទួលបានថវិកា៤លានរៀល ដោយ វីរកងទព័ជួរមុខដែលរងរបួសកំពុងសម្រាកព្យាបាលនៅមន្ទីរពេទ្យ ក្នុងរាជធានីភ្នំពេញ នៅថ្ងៃទី៣១  ខែកក្កដា ឆ្នាំ២០២៥។

ឯកឧត្ដម ឃួង ស្រេង បានជូនពរដល់វីរកងទព័ជួរមុខដែលបានលះបង់សាច់ស្រស់ឈាមស្រស់ក្នុងបុព្វហេតុការពារបូរណភាពទឹកដីដ៏អង់អាចក្លាហានប្រឆាំងទល់នឹងកងទ័ពថៃ នៅ ព្រំដែនកម្ពុជា-ថៃ។

ទន្ទឹមនឹងនេះ ឯកឧត្ដមអភិបាលរាជធានី បានសរសើរដល់វីរកងទព័ និងជូនពរឱ្យឆាប់ជាសះស្បើយ និងផ្តាំផ្ញើរដល់វីរកងទព័ដែលកំពុងសម្រាកព្យាបាលនៅតាមមន្ទីរពេទ្យក្នុងរាជធានីភ្នំពេញ ឱ្យធ្វើចិត្តឱ្យស្ងប់ក្នុងការមើលថែសុខភាពឱ្យបានល្អ ខណៈកងទព័ជួរមុខបានលះបង់ការពារបូរណភាពដែនដី កម្ពុជាយ៉ាងអង់អាចក្លាហាន៕

ដោយ សួស សំរិត