AKP ភ្នំពេញ ថ្ងៃទី២៨ ខែកក្កដា ឆ្នាំ២០២៥--

គិតមកដល់ពេលនេះនៅក្នុងបណ្តាញសារព័ត៌មានស្រុកថៃ និង បណ្តាញផេកផ្លូវការខាងភាគីថៃជាច្រើនបានបិទប្រព័ន្ធមិនឱ្យប្រជាជនកម្ពុជាចូលមើល ដើម្បីឱ្យភាគីកម្ពុជាមើលដឹងថាតើភាគីថៃផ្សព្វផ្សាយព័ត៌មានមួលបង្កាច់ និងបំពុលកម្ពុជាយ៉ាងណានោះ។

ថ្លែងក្នុងសន្និសីទសារព័ត៌មានបង្ហាញបច្ចុប្បន្នភាព ថ្ងៃទី៥ នៃការបង្កសង្គ្រាមរបស់យោធាថៃឈ្លានពានដែនអធិបតេយ្យកម្ពុជា នាម៉ោង១១ព្រឹកថ្ងៃទី២៨ ខែកក្កដា ឆ្នាំ២០២៥នេះ លោកជំទាវឧត្តមសេនីយ៍ឯក ម៉ាលី សុជាតាបានថ្លែងថា «ការបិទមិនឱ្យពលរដ្ឋកម្ពុជាមើលឃើញដែលចំណុចទាំងនេះហើយសបញ្ជាក់ថាភាគីថៃរអៀសខ្លួនដែលខ្លួនប្រព្រឹត្តិហើយខ្លាចគេដឹងការពិត។ នាពេលនេះកម្ពុជានៅតែប្តេជ្ញាចិត្តដោះស្រាយវិវាទដោយសន្តិវិធី តាមរយៈមធ្យោបាយផ្លូវច្បាប់ ការទូត ស្របតាមច្បាប់អន្តរជាតិ»។

អ្មកនាំពាក្យក្រសួងការពារជាតិកម្ពុជាបានថ្លែងដែរថា កម្ពុជាសូមបន្តថ្កោលទោស និងច្រានចោលយ៉ាងដាច់អហង្ការដែលថាកម្ពុជាប្រើ មីស៊ីល PHL-03 ។ជាថ្មីម្តងទៀតចំពោះការចោទប្រកាន់ខុសពីការពិត និងមានចេតនាទុច្ចរិតពីសំណាក់ភាគីថៃ ចោទប្រកាន់ថា កម្ពុជាបានប្រើកាំជ្រួចរយៈចម្ងាយឆ្ងាយ  PHL-03 បាញ់ចូលទឹកដីថៃ។កម្ពុជាសូមបញ្ជាក់យ៉ាងច្បាស់លាស់ថា រហូតមកដល់ពេលនេះកម្ពុជាមិនទាន់បានប្រើ និងមិនទាន់ដល់ពេលប្រើកាំជ្រួចរយៈចម្ងាយឆ្ងាយ PHL-03នៅឡើយទេ។

ក្រសួងការពារជាតិកម្ពុជាចាត់ទុកថា ទង្វើចោទប្រកាន់ទាំងងងើលម្តងហើយម្តងទៀតទាំងគ្មានមូលដ្ឋានអ្វីសោះនេះ ដែលឆ្លុះបញ្ចាំងជាលេសរបស់ភាគីថៃដើម្បីខ្លួនអាចតម្លើងកម្រិតនៃការប្រើប្រាស់អាវុធកាន់តែសាហាវនិងព្រៃផ្សៃជាងមុន អមនុស្សធម៌ជាងមុន និងកាន់តែខ្លាំងជាងមុន ក្នុងការវាយប្រហាររំលោភបំពានលើដែនអធិបតេយ្យភាពកម្ពុជា។ ថៃកាន់តែលាបពណ៌មួលបង្កាច់កម្ពុជាដើម្បីបំភាន់សាធារណៈមតិ ទាំងជាតិ និងអន្តរជាតិ។ កម្ពុជាសូមទាមទារឱ្យថៃឈប់ជាបន្ទាន់នូវការផ្សព្វផ្សាយព័ត៌មានមិនពិត ដែលធ្វើឱ្យមានការបិទបាំងនៃការរំលោភបំពានលើច្បាប់អន្តរជាតិរបស់ខ្លួន៕

ដោយ៖មករា