AKP កណ្ដាល ថ្ងៃទី២៨ ខែកក្កដា ឆ្នាំ២០២៥-- រដ្ឋបាលខេត្តកណ្តាល កាលពីថ្ងៃទី២៧ ខែកក្កដា ឆ្នាំ២០២៥ បានទទួលអំណោយពីរដ្ឋបាលស្រុកកោះធំ និងរដ្ឋបាលក្រុងសំពៅពូន រួមមានស្បៀងអាហារ គ្រឿងឧបភោគបរិភោគ ដើម្បីយកទៅចែកជូនដល់វីរកងទ័ពជួរមុខ ដែលបាន និងកំពុងខិតខំតស៊ូការពារបន្ទាត់ព្រំដែនកម្ពុជា-ថៃ។

ស្បៀងអាហារ គ្រឿងឧបភោគបរិភោគ សម្ភារប្រើប្រាស់ទាំងនោះរបស់រដ្ឋបាលស្រុកកោះធំ គឺទទទួលបានពីសប្បុរសជនានា ដែលបានចូលរួមាំងនេះមួយរដ្ឋបាលស្រុក ដើម្បីយកទៅចែកជូនដល់វីរកងទ័ពជួរមុខ ដែលបាន និងកំពុងខិតខំតស៊ូការពារបន្ទាត់ព្រំដែនកម្ពុជា-ថៃ ប្រកបដោយភាពក្លាហាន មោះមុត ប្រឆាំងនឹងសត្រូវឈ្លានពានថៃ ប្រកបដោយស្មារតីស្នេហាជាតិមាតុភូមិ ព្រមទាំងចែកជូនបងប្អូនប្រជាពលរដ្ឋ ដែលត្រូវបានជម្លៀសខ្លួនមកកាន់មណ្ឌលសុវត្ថិភាពនានា ក្នុងខេត្តព្រះវិហារ និងខេត្តឧត្តរមានជ័យ។

ចំណែកអំណោយពីរដ្ឋបាលក្រុងសំពៅពូន រួមមាន ស្បៀងអាហារ គ្រឿងឧបភោគបរិភោគ សម្ភារប្រើប្រាស់នានា និងថ្នាំពេទ្យ ដែលទទួលបានពីសប្បុរសជនានា បានចូលរួមជាមួយរដ្ឋបាលក្រុង ដើម្បីយកទៅចែកជូនដល់វីរកងទ័ពជួរមុខ ដែលបាន និងកំពុងខិតខំតស៊ូការពារបន្ទាត់ព្រំដែនកម្ពុជា-ថៃ និងប្រជាពលរដ្ឋ ដែលត្រូវបានជម្លៀសខ្លួនមកកាន់មណ្ឌលសុវត្ថិភាពនានាក្នុងខេត្តព្រះវិហារ និងខេត្តឧត្តរមានជ័យ៕

ដោយ ណយ នឿន (ប្រភព៖ រដ្ឋបាលខេត្តកណ្តាល)