AKP ភ្នំពេញ ថ្ងៃទី២២ ខែកក្កដា ឆ្នាំ២០២៥ -- កងទ័ពនីហ្សេរីយ៉ាបានប្រកាសថា កងទ័ពបានចាប់ខ្លួនមនុស្សចំនួន ២១នាក់ដែលសង្ស័យថាជាអំពើភេរវកម្ម ខណៈពេលដែលមនុស្សទាំងនោះកំពុងធ្វើដំណើរតាមរថយន្តចំនួន៥គ្រឿងនៅក្នុងតំបន់ Zinder ភាគអាគ្នេយ៍នៃប្រទេស។

យោងតាមសេចក្តីថ្លែងការណ៍របស់យោធាដែលបានចាក់ផ្សាយតាមកញ្ចក់ទូរទស្សន៍ជាតិ បានឱ្យដឹងថា ការត្រួតពិនិត្យដំបូងបានបង្ហាញថាជនសង្ស័យចំនួន ១៣នាក់ជាជនជាតិបរទេស ខណៈដែល ៨នាក់ទៀតជាពលរដ្ឋនីហ្សេរីយ៉ា។

សេចក្តីថ្លែងការណ៍បាននិយាយថា ការឆែកឆេររថយន្តបានរកឃើញវត្ថុផ្សេងៗដែលមានសក្តានុពលក្នុងការប្រើប្រាស់របស់យោធា រួមទាំងឧបករណ៍បំបាំងកាយ ឧបករណ៍ទំនាក់ទំនង ឧបករណ៍ឃ្លាំមើល ធុងសាំងសាច់ប្រាក់ និងការផ្គត់ផ្គង់ស្បៀងអាហារយ៉ាងច្រើនសន្ធឹកសន្ធាប់។ជនសង្ស័យ​ និង​វត្ថុ​តាងត្រូវ​រឹបអូស​បាន​ប្រគល់​ឱ្យ​សមត្ថកិច្ច​ពាក់ព័ន្ធ​ចាត់ការ​បន្ត​តាម​នីតិវិធី​៕

ដោយ៖ មូល មិនា (ប្រភព៖ ស៊ីនហួ)