AKP ភ្នំពេញ ថ្ងៃទី២១ ខែកក្កដា ឆ្នាំ២០២៥ -- សមាជិកសភាកំពូលរបស់ប្រទេសចិន លោក ហ្សៅ ឡេជី (Zhao Leji) នឹងបំពេញទស្សនកិច្ចដោយសុច្ឆន្ទៈជាផ្លូវការនៅប្រទេសកៀហ្ស៊ីស៊ីស្ថាន ហុងគ្រី និងស្វីស ពីថ្ងៃទី២៣ដល់ថ្ងៃទី៣១ ខែកក្កដា និងចូលរួមសន្និសីទពិភពលោកនៃសមាជិកសភាលើកទី៦ ខណៈនៅប្រទេសស្វីស។

លោក ហ្សៅ ប្រធានគណៈកម្មាធិការអចិន្ត្រៃយ៍សភាប្រជាជនជាតិនឹងធ្វើទស្សនកិច្ចតាមការអញ្ជើញរបស់ប្រធានសភាកៀហ្ស៊ីស៊ីស្ថាន លោក នួឡានប៊េក តួហ្គេនប៊ែក អ៊ូលូ (Nurlanbek Turgenbek uulu) ប្រធានសភាជាតិហុងគ្រី លោក ឡាសហ្ស្លូ កូវឺ (Laszlo Kover) ប្រធានក្រុមប្រឹក្សាជាតិស្វីស លោក ម៉ាចា រីនីកឺ (Maja Riniker) និងជាប្រធានក្រុមប្រឹក្សារដ្ឋស្វីស លោក អានដ្រា ការ៉ូនី (Andrea Caroni) ក៏ដូចជាប្រធានសហភាពអន្តរសភា (IPU) លោក ទូលៀ អាកសុន (Tulia Ackson) និងអគ្គលេខាធិការ IPU លោក ម៉ាទីន ជុនហ្គុង (Martin Chungong) ៕

ដោយ៖ មូល មិនា (ប្រភព៖ ភីបផលដេលី)