AKP ភ្នំពេញ ថ្ងៃទី១៧ ខែកក្កដា ឆ្នាំ២០២៥ -- នាយករដ្ឋមន្ត្រីឆេក លោកផេទឺ ហ្វីអាឡា (Petr Fiala) បាននិយាយកាលពីថ្ងៃអង្គារថា សាធារណរដ្ឋឆេកនឹងមិនចូលរួមក្នុងការទិញសព្វាវុធរបស់សហរដ្ឋអាមេរិកសម្រាប់ឱ្យទៅអ៊ុយក្រែននៅពេលនេះទេ។

ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បានប្រកាសកាលពីថ្ងៃចន្ទថា កិច្ចព្រមព្រៀងមួយជាមួយអង្គការសន្ធិសញ្ញាអាត្លង់ទិកខាងជើង (NATO) ទាក់ទងនឹងអាវុធដើម្បីជួយដល់អ៊ុយក្រែន។ នៅក្រោមកិច្ចព្រមព្រៀងនេះ រដ្ឋាភិបាលនៃប្រទេសអាល្លឺម៉ង់ហ្វាំងឡង់ ដាណឺម៉ាក ស៊ុយអែត ន័រវេស ចក្រភពអង់គ្លេស ហូឡង់ និងកាណាដា នឹងផ្តល់ហិរញ្ញប្បទានដល់ការទិញទំនិញជាច្រើនពីក្រុមហ៊ុនផលិតរបស់សហរដ្ឋអាមេរិក និងដឹកជញ្ជូនឧបករណ៍ទាំងនោះដោយផ្ទាល់ទៅកាន់ទីក្រុងគៀវ។

លោក ហ្វីអាឡា បានប្រាប់ប្រព័ន្ធផ្សព្វផ្សាយក្នុងស្រុក Publico ថា«សាធារណរដ្ឋឆេកកំពុងផ្តោតលើគម្រោង និងមធ្យោបាយផ្សេងទៀតដើម្បីជួយអ៊ុយក្រែន» ។

ក្រសួងការពារជាតិបានបញ្ជាក់ប្រាប់ទីភ្នាក់ងារសារព័ត៌មានឆេកកាលពីថ្ងៃអង្គារថា ខ្លួនបានចែករំលែកតំណែងនាយករដ្ឋមន្ត្រី ហើយមិនមានគម្រោងចូលរួមក្នុងការទិញអាវុធនោះទេ៕

ដោយ៖ មូល មិនា (ប្រភព៖ ស៊ីនហួ)