AKP ភ្នំពេញ ថ្ងៃទី១១ ខែមិថុនា ឆ្នាំ២០២៥ -- ម្ចាស់មកុដ Miss Cosmo Cambodia 2025 ថ្មីស្រឡាង កញ្ញា ផន ស្រីពី កំពុងតែធ្វើឱ្យកក្រើកទាំងក្នុងកម្មវិធីប្រកួត និងម៉ូដសម្លៀកបំពាក់ ដែលសបញ្ជាក់ឱ្យឃើញថា ជំនាន់របស់នាងពិតជាគួរឱ្យចង់ទស្សនាណាស់។ ថ្វីត្បិតតែនាងមិនទាន់ឈានជើងឡើងលើឆាក Miss Cosmo International ក៏ពិតមែន ប៉ុន្តែកញ្ញា ស្រីពី កំពុងតែទទួលបានការចាប់អារម្មណ៍ និងការកោតសរសើរពីអ្នកគាំទ្រខ្លាំងទូទាំងប្រទេសកម្ពុជា និងក្រៅប្រទេស។ បន្ទាប់ពីជោគជ័យ កញ្ញា ផន ស្រីពី ត្រូវបានគេអញ្ជើញឱ្យបង្ហាញខ្លួនជាតារាបង្ហាញម៉ូដដ៏លេចធ្លោ ដោយទទួលបានតួនាទីដ៏ល្បីល្បាញជាមុខមាត់ដំបូង និងជាវីដេតក្នុងកម្មវិធីបង្ហាញម៉ូដជាច្រើន។ ក្នុងចំណោមនោះក៏មានការអញ្ជើញដែលបានរំពឹងទុកយ៉ាងខ្លាំងទៅកាន់កម្មវិធី MOON FASHION SHOW, Vietnam International Fashion Week 2025, និង Cosmo Carnival ដ៏រស់រវើកដោយធនាគារ NAM A BANK ផងដែរ។

ក្នុងកម្មវិធី Vietnam International Fashion Week ស្រីពីបានបង្ហាញពីភាពប៉ិនប្រសប់ដ៏អស្ចារ្យរបស់នាង ដែលទាក់ទាញខ្លាំងក្នុងបណ្តុំជាច្រើនពីអ្នករចនាល្បីដូចជា Hà Nhật Tiến ជាមួយ L'oreal, Ivan Trần និង Valenciani។ មិនថាការស្លៀកពាក់បែបទំនើបទាន់សម័យ សម្លៀកបំពាក់ដ៏អស្ចារ្យ ឬម៉ូតដែលបំផុសគំនិតនោះទេ នាងបាននាំយករូបរាងនីមួយៗប្រកបដោយភាពឆើតឆាយ ភាពរឹងមាំ និងថាមពលរបស់នាងមិនអាចប្រកែកបាន។

បើតាមការបញ្ជាក់ប្រាប់ពីលោកស្រី Tiffany Vu នាយកជាតិនៃ Miss Cosmo Cambodia បានមានប្រសាសន៍ថា “ផន ស្រីពី គឺជាតំណាងរបស់ Miss Cosmo Cambodia ដែលប្រកបដោយភាពស្រស់ស្អាត ថាមពល និងពោរពេញដោយសក្តានុពល”។ “នាងកំពុងបង្កើតស្តង់ដារថ្មីមិនត្រឹមតែក្នុងការប្រកួតប្រជែងប៉ុណ្ណោះទេ ប៉ុន្តែក្នុងការបង្ហាញម៉ូដផងដែរ”។

ជាមួយនឹងការកើនឡើងនៃអ្នកគាំទ្ររបស់នាង ការបង្ហាញខ្លួនជាអន្តរជាតិ និងវត្តមានប្រព័ន្ធផ្សព្វផ្សាយដែលមិនធ្លាប់មាននោះ ស្រីពី បានទទួលការចាប់អារម្មណ៍ខ្លាំងពីសំណាក់មហាជន និងអ្នកជំនាញផ្នែកឧស្សាហកម្មដូចគ្នាផងដែរដែរ។ ទាំងនេះសបញ្ជាក់ឲ្យឃើញពីទំនុកចិត្ត និងភាពទាក់ទាញរបស់នាងនៅលើវិថីមួយនេះ គឺជាសញ្ញាសន្យាដ៏អស្ចារ្យ ខណៈដែលនាងត្រៀមធ្វើជាតំណាងប្រទេសកម្ពុជា ដើម្បីចូលរួមប្រកួតក្នុងកម្មវិធី Miss Cosmo International 2025 នាពេលខាងមុខ។

ក្នុងនាមជាឯកអគ្គរាជទូតវប្បធម៌របស់កម្ពុជា ផន ស្រីពី មិនត្រឹមតែជារាជិនីសម្រស់ប៉ុណ្ណោះទេ ប៉ុន្តែក៏ជាតំណាងដែលកំពុងកើនឡើងក្នុងពិភពម៉ូដ និងកម្សាន្តផងដែរ ។ ឆាកពិភពលោកកំពុងរង់ចាំ ហើយកម្ពុជាកំពុងមើលដោយមោទនភាព៕

ដោយ៖ មករា