AKP ភ្នំពេញ ថ្ងៃទី២៧ ខែឧសភា ឆ្នាំ២០២៥ -- នាយករដ្ឋមន្ត្រីចិន លោកលី ឈាង (Li Qiang) បានប្រាប់ក្រុមហ៊ុននានាកាលពីថ្ងៃអាទិត្យថាប្រទេសនេះបានរៀបចំយ៉ាងពេញលេញសម្រាប់ការប៉ះទង្គិចពីខាងក្រៅ។

ថ្លែងសុន្ទរកថានៅក្នុងសន្និសីទសម្រាប់ក្រុមហ៊ុនចិនដែលកំពុងប្រតិបត្តិការនៅក្នុងប្រទេសឥណ្ឌូនេស៊ី លោក លី បាននិយាយថា ចាប់តាំងពីដើមឆ្នាំនេះមក សេដ្ឋកិច្ចបានបន្តងើបឡើងវិញ និងប្រសើរឡើង ដោយពាណិជ្ជកម្មបរទេសជាពិសេសបានបង្ហាញឱ្យឃើញពីភាពធន់និងរឹងមាំ។

អ្នកតំណាងមកពីក្រុមហ៊ុននានារួមមាន ក្រុមហ៊ុន China Energy Investment Corporationក្រុមហ៊ុន Huawei ក្រុមហ៊ុន SAIC Motorក្រុមហ៊ុន New Hope Group ក្រុមហ៊ុន Tsingshan Holding Group និងក្រុមហ៊ុន TCL Technology Group បានចូលរួមក្នុងព្រឹត្តិការណ៍នេះ។

បន្ទាប់ពីបានស្តាប់ការកត់សម្គាល់ពីតំណាងក្រុមហ៊ុនរួចមក លោក លីបាននិយាយថា បច្ចុប្បន្នសណ្តាប់ធ្នាប់សេដ្ឋកិច្ច និងពាណិជ្ជកម្មអន្តរជាតិកំពុងរងផលប៉ះពាល់យ៉ាងធ្ងន់ធ្ងរ។ លោកបាននិយាយថា ការបែកបាក់នៃខ្សែសង្វាក់ផ្គត់ផ្គង់ឧស្សាហកម្ម និងការផ្គត់ផ្គង់បានកាន់តែស៊ីជម្រៅ ហើយរបាំងពាណិជ្ជកម្មបានកើនឡើងបានធ្វើឱ្យមានផលប៉ះពាល់យ៉ាងខ្លាំងដល់ការអភិវឌ្ឍសេដ្ឋកិច្ចរបស់ប្រទេសទាំងអស់។

លោកបាននិយាយថា ប្រទេសចិនកំពុងដាក់ចេញនូវវិធានការពាក់ព័ន្ធដើម្បីធ្វើស្ថិរភាពការងារ និងសេដ្ឋកិច្ច ដោយលោកបានបន្ថែមថា ប្រទេសនេះក៏កំពុងស្រាវជ្រាវ និងរៀបចំឧបករណ៍គោលនយោបាយថ្មី រួមទាំងវិធានការមិនធម្មតាមួយចំនួនដែលនឹងត្រូវដាក់ឱ្យដំណើរការភ្លាមៗ ដើម្បីឆ្លើយតបទៅនឹងស្ថានភាពនៃការវិវត្ត។ លោក​បាន​សង្កត់​ធ្ងន់​ថា ប្រទេស​ចិន​មាន​ទំនុក​ចិត្ត និង​សមត្ថភាព​ក្នុង​ការ​លើក​កម្ពស់នូវ​ការ​ធ្វើ​ឱ្យ​ប្រសើរ​ឡើង​ជា​និរន្តរភាព​នៃ​ការ​អនុវត្ត​សេដ្ឋកិច្ច៕

ដោយ៖ មូល មិនា (ប្រភព៖ ស៊ីនហួ)