AKPកំពង់ធំថ្ងៃទី២០ ខែឧសភា ឆ្នាំ២០២៥--ឧត្តមសេនីយ៍ទោ ហេង សុផលស្នងការនគរបាលខេត្តកំពង់ធំបានដឹកនាំកិច្ចប្រជុំបូកសរុបលទ្ធផលការងារប្រចាំខែឧសភានិងលើកទិសដៅអនុវត្តបន្តសម្រាប់ខែមិថុនាឆ្នាំ២០២៥ នៅសាលប្រជុំស្នងការដ្ឋាននគរបាលខេត្តកាលពីរសៀលថ្ងៃទី១៩ខែ ឧសភា ឆ្នាំ២០២៥ដោយមានការចូលរួមពីមន្ត្រីនគរបាល ប្រមាណជិត៣០០នាក់។

ឧត្តមសេនីយ៍ទោ ហេង សុផលបានមានប្រសាសន៍លើកឡើងថាកិច្ចប្រជុំគឺដើម្បីឆ្លុះបញ្ចាំងពីការខិតខំប្រឹងប្រែង អនុវត្តតួនាទី/ភារកិច្ច របស់មន្ត្រីនគរបាលការិយាល័យជំនាញចំណុះស្នងការដ្ឋាននគរបាលខេត្តនិងអធិការដ្ឋាននគរបាល ក៏ដូចជាប៉ុស្តិ៍នគរបាលរដ្ឋបាល ដែលអនុវត្តបានរយៈពេលកន្លងមកដើម្បីដោះស្រាយបញ្ហាប្រឈមដែលអនុវត្តបាននាពេលកន្លងមកលើកទិសដៅការងារអនុវត្តបន្តព្រមទាំងកោតសរសើរដល់កងកម្លាំងគ្រប់លំដាប់ថ្នាក់ ចំពោះការខិតខំប្រឹងប្រែងចូលរួមបំពេញភារកិច្ច ប្រកបដោយស្មារតីទទួលខុសខ្ពស់ រហូតទទួលលទ្ធផលល្អប្រសើរ។

ឧត្តមសេនីយ៍ទោស្នងការបានដាក់គោលការណ៍០៥ ចំណុចដល់ផែនការងារជំនាញនិងលោកអធិការនគរបាលទាំង០៩ក្រុង-ស្រុក រួមមាន÷១.ពង្រឹងរបៀបរបបការងារជំនាញបែបបទការងាររដ្ឋបាល។២.ការងារប្រឆាំងបទល្មើគ្រឿងញៀន រួមគ្នាគិតរួមគ្នាអនុវត្ត វិធានការច្បាប់ បង្ក្រាបដូចភ្លៀងរលឹមសំដៅធានាសុខសុវត្ថិភាពជូនជាតិមាតុភូមិ។៣.ការងារសុវត្ថិភាពចរាចរណ៍ផ្លូវគោកបង្កើនការផ្សព្វផ្សាយច្បាប់ចរាចរណ៍ផ្លូវគោក ពង្រឹងការអនុវត្តច្បាប់ស្របតាមអនុក្រឹត្យ ៣៩ អនក្រ.បក ចុះថ្ងៃទី១៧ ខែមីនាឆ្នាំ២០២០ ដើម្បីថែរក្សាបាន ទ្រព្យសម្បត្តិ អាយុ ជីវិត មនុស្ស សត្វ។៤.ការងារអត្តសញ្ញាណកម្ម បងប្អូនខិតខំប្រឹងប្រែងសស្រាក់សស្រាំ ពន្លឿនការផ្ដល់សៀវភៅស្នាក់នៅសៀវភៅគ្រួសារនិងអត្តសញ្ញាណប័ណ្ណសញ្ជាតិខ្មែរ រហ័សទាន់ពេលវេលា ជូនប្រជាពលរដ្ឋនិង៥-បន្តថែរក្សាការងារសាមគ្គីភាពឯកភាពផ្ទៃក្នុងឱ្យបានល្អប្រពៃដើម្បីសម្រេចបានស្នាដៃសមិទ្ធផលថ្មីៗបន្ថែមទៀត៕

ដោយ៖ ស៊ុម វណ្ណា, ប្រភពស្នងការនគរបាលខេត្តកំពង់ធំ