EN 
FR 
AR
CNឧត្ដមសេនីយ៍ទោ សោម ស៊ុន អញ្ជើញចុះសួរសសុខទុក្ខនាយទាហានកំពុងសម្រាកព្យាបាលជំងឺនៅមន្ទីរពេទ្យយោធារាជធានីភ្នំពេញ
AKP កំពង់ធំ ថ្ងៃទី២០ ខែមេសា ឆ្នាំ២០២៥–
ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំកាលពីរសៀលថ្ងៃទី១៩ខែមេសាឆ្នាំ២០២៥បានអញ្ជើញដឹកនាំសសហការីទៅជួបសំណេះសំណាលសាកសួរសុខទុក្ខលោកវរសេនីយ៍ត្រី រស់ គីម មេបញ្ជាការររងផ្នែកសឹករងបបារាយណ៍នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលកំពុងវវះកាត់និងព្យាបាលជំងឺនៅមន្ទីរព្រះកេតុមាលា"មន្ទីរពេទ្យយោធា ១.៧៩"រាជធានីភ្នំពេញ។
លោកវរសេនីយ៍ត្រី រស់ គីម បានបញ្ជាក់ថា លោកបានមកសម្រាកព្យាបាល វះកាត់ព្យាបាលជំងឺនៅក្នុងមន្ទីរពេទ្យព្រះកេតុមាលានេះមានរយៈពេល៣ថ្ងៃ កន្លងមកហេីយនឹងត្រូវធ្វើការវះកាត់នៅរសៀលថ្ងៃនេះ។ក្នុងការសម្រាកព្យាបាលជំងឺកន្លងមកនេះត្រូវបានលោកវេជ្ជបណ្ឌិតនិងក្រុមគ្រូពេទ្យបានយកចិត្តទុកដាក់ ព្យាបាលជំងឺបានល្អប្រសើរនិងបានថ្លែងអំណរគុណដ៏ជ្រាលជ្រៅជាទីបំផុតចំពោះការយកចិត្តទុកដាក់របស់ក្រុមគ្រូពេទ្យក្នុងការព្យាបាលជំងឺរបួសរបស់គាត់នៅពេលនេះ ។
ឧត្ដមសេនីយ៍ សោម ស៊ុន បានសូមថ្លែងអំណរគុណដ៏ជ្រាលជ្រៅជាទីបំផុតចំពោះលោកវេជ្ជបណ្ឌិតនិងក្រុមគ្រូពេទ្យនៃមន្ទីរពេទ្យព្រះកេតុមាលាឬមន្ទីរពេទ្យយោធា ១.៧៩ ដែលបានយកចិត្តទុកដាក់ក្នុងការព្យាបាលជំងឺ របួស ជូនដល់នាយទាហាននៃបញ្ជាការដ្ឋានតំបន់ប្រតិបត្តិការសឹករងកំពង់ធំនិងបានផ្តាំផ្ញើដល់លោកវរសេនីយ៍ត្រី រស់ គីម មេបញ្ជាការរងផ្នែកសឹករងបារាយណ៍ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ និងភរិយា តត្រូវអនុវត្តន៍ឱ្យបានល្អតាមវេជ្ជបញ្ជានិងការណែនាំរបស់ក្រុមគ្រូពេទ្យនិងត្រូវយកចិត្តទុកដាក់ថែទាំជំងឺនិងថែរក្សាសុខភាពឱ្យបានល្អឆាប់បានជាសះស្បើយ វិលត្រឡប់ទៅកាន់លំនៅឋាននិងបម្រើការងារនៅក្នុងអង្គភាពវិញ។
នៅក្នុងឱកាសនោះឧត្តមសេនីយ៍ទោសោម ស៊ុន និងសហការីបាននាំយកនូវកន្ត្រកផ្លែឈើទឹកដោះគោឆៅ និងថវិកាមួយចំនួនឧបត្ថម្ភជូនលោកវរសេនីយ៍ត្រី រស់ គីម និងភរិយា ដែលកំពុងមើលថែទាំជជំងឺសម្រាប់បំប៉នសុខភាពនិងចាត់ចែងតាមសេចក្ដីត្រូវការក្នុងការព្យាបាលជំងឺ។
លោកវរសេនីយ៍ត្រី រស់ គីម មេបញ្ជាការរង ផ្នែកសឹករងបារាយណ៍បានសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះឧត្តមសេនីយ៍ទោ សោម ស៊ុនមេបញ្ជាការតំបន់ប្រតិបត្តិការសឹករងកំពង់ធំនិងសហការី ដែលបានឆ្លៀតឱកាសដ៏មមាញឹកក្នុងភារកិច្ចបម្រើការងារនៅក្នុងអង្គភាព មកសំណេះសំណាលសាកសួរសុខទុក្ខគាត់នៅពេលនេះ និងសូមគោរពជូនពរឯកឧត្ដមមេបញ្ជាការនិងសហការីទាំងអស់សូមទទួលបាននូវពុទ្ធពរទាំងបួនប្រការ កុំបីឃ្លៀងឃ្លាតឡើយ៕
ដោយ៖ ស៊ុម វណ្ណា, ប្រភព៖ តំបន់សឹករងកំពង់ធំ
