AKP ភ្នំពេញ ថ្ងៃទី០៨ ខែមេសា ឆ្នាំ២០២៥-- នៅមន្ទីរពេទ្យបង្អែកខេត្តតាកែវ បានប្រារព្ធពិធីប្រគល់ និងទទួលដាក់ឱ្យប្រើប្រាស់ម៉ាស៊ីនស៊ីធីស្កែនដែលជាជំនួយរបស់សមាគមសាសនាចក្រនៃព្រះយេវស៊ូគ្រីស្ទនៃពួកបរិសុទ្ធថ្ងៃចុងក្រោយ ដោយមានវត្តមានរបស់លោក ឱសថការី ផាន់ វ៉ាន់ ប្រធានមន្ទីរសុខាភិបាល លោក វេជ្ជបណ្ឌិត នីល គ្លីនហ្គើ កញ្ញា យន សូផាណែត លោក វេជ្ជបណ្ឌិតឯកទេស តែ វ៉ាន់ថា ប្រធានមន្ទីរពេទ្យបង្អែកខេត្ត អនុប្រធានមន្ទីរពេទ្យ ប្រធាន អនុប្រធានផ្នែក នាយសាល នាយសាលរងទាំងអស់។

មន្ទីរពេទ្យបង្អែកខេត្តតាកែវ និងសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានចុះកិច្ចព្រមព្រៀងសហប្រតិបត្តិការសម្រាប់ការបរិច្ចាគសម្ភារបរិក្ខាពេទ្យ  និងបណ្តុះបណ្តលបុគ្គលិកតាំងពីឆ្នាំ២០១៩ និងបន្តរហូតដល់បច្ចុប្បន្ន។ ក្នុងគម្រោងឆ្នាំ ២០២៤កន្លងទៅនេះ មន្ទីរពេទ្យបង្អែកខេត្តតាកែវបានទទួលសម្ភារបរិក្ខាពេទ្យដែលមានតម្លៃសរុបរហូតដល់ 131,119.20 US$ មានដូចជា៖ ១. Refurbished Multislice 32 helical CT Scan Toshiba/Japan (1) ២. Patient Warmer Air IOB (2) ៣. Fetal and maternal monitor (CTG)with Trolly(1) ៤. Dental autoclave 24L YLT-255A (1)+Water distiller WS100-4 (1) និង៥. Suction Central Machine(1)។

ក្នុងនាមថ្នាក់ដឹកនាំ និងបុគ្គលិកទាំងអស់មន្ត្រីរាជការទាំងអស់នៃមន្ទីរពេទ្យបង្អែកខេត្តតាកែវ សូមគោរពថ្លែងអំណរគុណអស់ពីដួងចិត្តដល់សមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលមានគុណតម្លៃរបស់សមាគមគឺបេះដូងមនុស្សធម៌(Humanitarian Heart)  ជាពិសេសតាមរយៈ លោកវេជ្ជបណ្ឌិត នីល គ្លីនហ្គើ (Doctor  Neal Clinger) និងភរិយា ដែលបាននៅបន្តជួយជាសម្ភារបរិក្ខាពេទ្យសម្រាប់ជាប្រយោជន៍ដល់ប្រជាពលរដ្ឋទូទៅក្នុងខេត្តតាកែវ និងប្រជាពលរដ្ឋនៅជាប់ខេត្តតាកែវ ដូចជាខេត្តកំពត កំពង់ស្ពឺ និងខេត្តផ្សេងៗ ក៏ដូចចូលរួមយ៉ាងសកម្មអភិវឌ្ឍមន្ទីរពេទ្យបង្អែកខេត្តតាកែវផងដែរ៕

ដោយ៖ ពេជ្រ សំអឿន