AKP ភ្នំពេញ ថ្ងៃទី២៣ ខែមីនា ឆ្នាំ២០២៥-- 

អ្នកចូលរួមជាង៦០០នាក់បានចុះឈ្មោះរត់ប្រណាំងដើម្បីការពារទន្លេមេគង្គ និងជីវៈចម្រុះដ៏មានតម្លៃរបស់កម្ពុជានៅថ្ងៃទី២២ ខែមីនា ឆ្នាំ២០២៥ ដែលរៀបចំឡើងដោយ អង្គការ WWF ។

សមាជិកសហគមន៍មកពីខេត្តក្រចេះ ស្ទឹងត្រែង រាជធានីភ្នំពេញ និងជាច្រើនទៀត បានត្រៀមរួចរាល់ស្បែកជើង និងដបទឹកបរិស្ថានចូលរួមរត់ប្រណាំងជុំវិញផ្លូវមាត់ទន្លេក្នុងខេត្តក្រចេះ ទស្សនាមើលព្រះអាទិត្យរះនាព្រឹកព្រលឹម និងសម្រស់ដ៏ស្រស់ត្រកាលនៃទន្លេមេគង្គ។ តាមរយៈការរត់ប្រណាំងដើម្បីបរិស្ថាននេះ អង្គការ WWF បានកៀរគរសហគមន៍ និងអ្នកទស្សនាក្នុងការធ្វើសកម្មភាពរួមគ្នាសម្រាប់ធម្មជាតិ «នៅពេលដែលយើងទាំងអស់គ្នាធ្វើការជាមួយគ្នា ពួកយើងអាចរក្សាបាននូវអនាគតដ៏ត្រចះត្រចង់មួយ»។

សូមអរគុណដល់អ្នកចូលរួមទាំងអស់នៅក្នុងកម្មវិធីនៃការរត់ប្រណាំងនៅថ្ងៃនេះ រួមទាំងមន្ត្រីជាន់ខ្ពស់រដ្ឋាភិបាល ព្រះសង្ឃ សិស្សានុសិស្ស ភ្ញៀវទេសចរ និងសមាជិកសហគមន៍ ដែលបានប្តេជ្ញាការពារធនធានដ៏មានតម្លៃរបស់យើង និងប្រភេទសត្វជិតផុតពូជផងដែរ៕

ដោយ ណយ នឿន (ប្រភព៖ WWF)