AKPភ្នំពេញថ្ងៃទី១៤ ខែ មីនា ឆ្នាំ ២០២៥--ក្នុងការដំណើរការអង្គសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និង កំណត់ទិសដៅការងារជាអាទិភាពឆ្នាំ២០២៥នៅថ្ងៃទី២ នៃសន្និបាត ថ្ងៃទី១៣ ខែមីនា ឆ្នាំ២០២៥ក្រសួងយុត្តិធម៌បង្ហាញប្រធានបទសំខាន់ៗចំនួន ៤។មានដូចជា៖

(ទី១)-ប្រធានបទស្តីពី “ការគ្រប់គ្រងថវិកាសមិទ្ធកម្មក្នុងវិស័យយុត្តិធម៌” ដែលត្រូវបានធ្វើបទបង្ហាញដោយ ឯកឧត្ដម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃអគ្គលេខាធិការដ្ឋានក្រសួងយុត្តិធម៌, (ទី២)-ប្រធានបទស្តីពី “កិច្ចការរដ្ឋបាលតុលាការ” ដែលត្រូវបានធ្វើបទបង្ហាញដោយ ឯកឧត្ដម ផូវ សំភី ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការរដ្ឋបាលតុលាការនៃក្រសួងយុត្តិធម៌, (ទី៣)-ប្រធានបទស្តីពី “ការអនុវត្តសំណើការជួយគ្នាទៅវិញទៅមកផ្នែកច្បាប់ និងបត្យាប័ន” ដែលត្រូវបានធ្វើបទបង្ហាញដោយ ឯកឧត្ដម នាក់ សើគីរីន រដ្ឋលេខាធិការក្រសួងយុត្តិធម៌ និង (ទី៤)-ប្រធានបទស្តីពី “កម្មវិធីកែទម្រង់ប្រព័ន្ធយុត្តិធម៌” ដែលត្រូវបានធ្វើបទបង្ហាញដោយ ឯកឧត្ដម កេង សុម៉ារិទ្ធ រដ្ឋលេខាធិការក្រសួងយុត្តិធម៌ ។

គួរបញ្ជាក់ថាប្រធានបទសំខាន់ៗទាំង៤នេះដែរត្រូវបានធ្វើឡើងដោយមានការ ដឹកនាំ និងសម្របសម្រួលពីសំណាក់ ឯកឧត្ដម ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌។ប្រធានបទសំខាន់ៗទាំងនេះត្រូវបានអង្គសន្និបាតបានពិនិត្យ និងស្តាប់នូវការធ្វើបទបង្ហាញផងដែរ។វាជាប្រធានបទស្នូល និងជាគ្រឹះនៃប្រព័ន្ធយុត្តិធម៌សម្រាប់អនុវត្តនៅថ្ងៃខាងមុខ៕

ដោយ៖ដេប៉ូ