AKP កណ្ដាល ថ្ងៃទី១០ ខែមីនា ឆ្នាំ២០២៥-- 

លោក គ្រុយ ម៉ាឡែន អភិបាលរងខេត្តកណ្តាល បាន​ដឹកនាំកិច្ចប្រជុំពិភាក្សាអំពីការស្រាវជ្រាវបែបបទចម្អិនអាហារ (AIR-C3) តាមរយៈការប្រើប្រាស់ចង្រ្កានអគ្គិសនីទាំងស្រុង ក្នុងខេត្តកណ្តាល នាថ្ងៃទី១០ ខែមីនា ឆ្នាំ២០២៥។

ក្នុងកិច្ចប្រជុំពិភាក្សាលើការអនុវត្តគម្រោង “ការស្រាវជ្រាវបែបបទ អនុវត្តអំពីការចម្អិនអាហារ (AIR-C3)” របស់អង្គការ អាយឌីអ៊ី ប្រចាំប្រទេសកម្ពុជា ធ្វើឡើងក្នុងគោលបំណងរចនា និងសិក្សាពីប្រសិទ្ធភាពនៃយុទ្ធសាស្រ្តដែលអាចធ្វើមាត្រដ្ឋាន ការសម្រេចទៅបាននូវការប្រើប្រាស់ផ្តាច់មុខ និងប្រកបដោយនិរន្តភាពនៃការចម្អិនអាហារ តាមរយៈការប្រើប្រាស់ចង្រ្កានអគ្គិសនីទំាងស្រុង ក្នុងខេត្តកណ្តាល និងខេត្តកំពង់ស្ពឺ។

សូមបញ្ជាក់ថា គម្រោងការស្រាវជ្រាវបែបបទចម្អិនអាហារ (AIR-C3) តាមរយៈការប្រើប្រាស់ចង្រ្កានអគ្គិសនីទំាងស្រុងត្រូវបានធ្វើឡើងយៈពេល៥ឆ្នំា ចាប់តាំងពីខែសីហា ឆ្នំា២០២៤ រហូតដល់ ខែកក្កដា ឆ្នំា២០២៩៕

ដោយ ណយ នឿន (ប្រភព៖ រដ្ឋបាលខេត្តកណ្តាល)