AKP ភ្នំពេញ ថ្ងៃទី0៨ ខែមីនា ឆ្នាំ២០២៥--ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំពិនិត្យ និងពិភាក្សាលើខ្លឹមសារនៃប្រធានបទសម្រាប់សន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥។

ទីស្តីការក្រសួងយុត្តិធម៌កាលពីនៅថ្ងៃទី៦-៧ ខែមីនា ឆ្នាំ២០២៥ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំគណៈកម្មការនានាសម្រាប់រៀបចំសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥ ដើម្បីពិនិត្យ និងពិភាក្សាលើខ្លឹមសារនៃប្រធានបទសម្រាប់សន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥ ព្រមទាំង ពិនិត្យ និងពិភាក្សាអំពីវឌ្ឍនភាពនៃការអនុវត្តសេចក្តីសម្រេចចិត្តមហាសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៣ និងកំណត់ទិសដៅការងារជាអាទិភាពបន្ត ផងដែរ។ 

កិច្ចប្រជុំនេះ មានការចូលរួមពីសំណាក់ថ្នាក់ដឹកនាំ និងមន្ត្រីរាជការ ដែលជាសមាជិកសមាជិកានៃគណៈកម្មការនានាដែលទទួលបន្ទុករៀបចំសន្និបាត៕

ដោយ៖ ប៊ុនរិទ្ធ,ប្រភពក្រសួងយុត្តិធម៌