AKP ភ្នំពេញ ថ្ងៃទី២៥ ខែកុម្ភៈ ឆ្នាំ២០២៥ -- កាសែត The Mirror បានរាយការណ៍កាលពីថ្ងៃចន្ទថា អាជ្ញាធរមីយ៉ាន់ម៉ាបានរឹបអូសថ្នាំញៀនប្រភេទមេតំហ្វេតាមីន ៥០គីឡូក្រាម និងអាភៀនចំនួន ២៤គីឡូក្រាម នៅក្នុងរដ្ឋសាន ភាគខាងកើតប្រទេសមីយ៉ាន់ម៉ា។

សេចក្តីរាយការណ៍​បាន​បន្ត​ថា ដោយ​អនុវត្ត​តាម​ការ​ណែនាំ ប៉ូលិស​ប្រឆាំង​គ្រឿងញៀន​បាន​ឆែកឆេរ​រថយន្ត​មួយ​នៅ​ទីក្រុង​កេង​ទុង​ ​រដ្ឋ​សាន​កាលពី​ថ្ងៃ​សុក្រ ហើយ​រឹបអូស​បាន​ថ្នាំ​ញៀន​ប្រភេទម៉ា​ទឹកកកចំនួន ៥០គីឡូក្រាម។

សេចក្តីរាយការណ៍បាននិយាយថា បន្ថែមពីលើនេះ ប៉ូលីសបានឆែកឆេរម៉ូតូមួយគ្រឿងនៅក្នុងសង្កាត់តាជីលិក រដ្ឋសាន កាលពីថ្ងៃសៅរ៍ និងរឹបអូសបានអាភៀនឆៅចំនួន ២៤គីឡូក្រាម។

របាយការណ៍បាននិយាយថា ជនសង្ស័យ ២នាក់ មានម្នាក់ត្រូវបានចាប់ខ្លួន ដោយរបាយការណ៍បន្ថែមថា ថ្នាំញៀនដែលរឹបអូសបានមានតម្លៃ ៤១៦,៨លានចាត់ (ប្រហែល ១៩៨.៤៧៦ដុល្លារអាម៉េរិក) ។ របាយការណ៍បាននិយាយថា ជនសង្ស័យត្រូវបានចោទប្រកាន់ក្រោមច្បាប់ប្រឆាំងគ្រឿងញៀនរបស់ប្រទេស ហើយការស៊ើបអង្កេតបន្ថែមកំពុងបន្ត៕

ដោយ៖ មូល មិនា (ប្រភព៖ ស៊ីនហួ)