AKP ភ្នំពេញ ថ្ងៃទី២១ ខែកុម្ភៈ ឆ្នាំ២០២៥ -- យោងតាមអ្នកនាំពាក្យក្រសួងការបរទេសកាហ្សាក់ស្ថាន លោក អៃបេក ស្មាឌីយ៉ារ៉ូវ (Aibek Smadiyarov) បាននិយាយដូចការរាយការណ៍ដោយទីភ្នាក់ងារសារព័ត៌មានKazinform ថា អ្នកការទូតកាហ្សាក់ស្ថាននឹងពិភាក្សាជាមួយអ៊ុយក្រែន      អំពីការវាយប្រហារនាពេលថ្មីៗនេះលើសម្ព័ន្ធបំពង់បង្ហូរប្រេងកាសព្យែន(Caspian) ដែលបានផ្តល់សារៈសំខាន់សម្រាប់សេដ្ឋកិច្ចកាហ្សាក់ស្ថាន។

លោក ស្មាឌីយ៉ារ៉ូវ បាននិយាយថា «បញ្ហានេះមានសារៈសំខាន់ខ្លាំងណាស់សម្រាប់សេដ្ឋកិច្ចកាហ្សាក់ស្ថាន ដូច្នេះតាមធម្មជាតិ យើងនឹងពិភាក្សាអំពីស្ថានភាពជាមួយដៃគូអ៊ុយក្រែន តាមរយៈបណ្តាញការទូត»។

ស្ថានីយ៍បូមប្រេង Kropotkinskaya ដែលជាកន្លែងដ៏ធំបំផុតនៃសម្ព័ន្ធបំពង់បង្ហូរប្រេងកាសព្យែន ក្នុងតំបន់ Krasnodar នៃប្រទេសរុស្ស៊ី បានទទួលរងការវាយប្រហារដោយយន្តហោះគ្មានមនុស្សបើកចំនួន ៧គ្រឿងដែលផ្ទុកដោយគ្រឿងផ្ទុះ និងគ្រាប់ផ្លោង។

យោង​តាម​មន្ត្រី​ជាន់​ខ្ពស់​រុស្ស៊ី​ម្នាក់ បានឱ្យដឹងថា លំហូរ​ប្រេង​តាម​បំពង់កាសព្យែនបាន​ធ្លាក់​ចុះ​ប្រហែល​ពី ៣០ ទៅ ៤០% បន្ទាប់​ពី​ការ​វាយ​ប្រហារ​ដោយ​យន្តហោះ​គ្មាន​មនុស្ស​បើក៕

ដោយ៖ មូល មិនា (ប្រភព៖ ស៊ីនហួ)