AKP ភ្នំពេញ ថ្ងៃទី១៤ ខែកុម្ភៈ ឆ្នាំ២០២៥--ក្រសួងបរិស្ថានបានបញ្ជាក់ថាគុណភាពខ្យល់ចាប់ពីល្ងាចថ្ងៃទី១៣កុម្ភៈដល់ព្រឹកថ្ងៃទី១៤ ខែកុម្ភៈ ឆ្នាំ២០២៥នេះគុណភាពខ្យល់មានភាព"ល្អ"។

ក្រសួងបានចេញសេចក្ដីជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១៣ ខែកុម្ភៈ ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី១៤ ខែកុម្ភៈ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ៤១.០៣ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អ”។

ក្រសួងពណ៌ខៀវ មានគុណភាពខ្យល់ល្អណាស់មាន   ខេត្តកំពង់ចាម ខេត្តកំពង់ឆ្នាំង ខេត្តព្រៃវែង  រាជធានីភ្នំពេញ ខេត្តកំពត​ ខេត្តស្វាយរៀង ​ខេត្តតាកែវ  ខេត្តកែប  ខេត្តរតនគិរី​ ខេត្តព្រះសីហនុ និងខេត្តឧត្តរមានជ័យ។

ពណ៌បៃតង មានគុណភាពខ្យល់ល្អមានខេត្តកណ្តាល  ខេត្តក្រចេះ ខេត្តមណ្ឌលគីរី ខេត្តបាត់ដំបង  ខេត្តកំពង់ស្ពឺ  ខេត្តកំពង់ធំ  និងខេត្តត្បូងឃ្មុំ។ ពណ៌លឿង ខេត្តបន្ទាយមានជ័យ ខេត្តព្រះវិហារ ខេត្តសៀមរាប ខេត្តស្ទឹងត្រែង និងខេត្តប៉ៃលិន និងពណ៌ទឹកក្រូច  ខេត្តពោធិ័សាត់ និងខេត្តកោះកុង៕

ដោយ ៖ ប៊ុនរិទ្ធ