AKP ភ្នំពេញ ថ្ងៃទី១០ ខែកុម្ភៈ ឆ្នាំ២០២៥ -- ធនាគារ​ប្រជាជន​ចិន (PBOC) ដែលជា​ធនាគារកណ្តាល​របស់​ប្រទេសចិន បានប្រកាស​កាលពី​ថ្ងៃទី០៧ខែកុម្ភៈ​ថា ​ខ្លួន​បាន​បន្ត​កិច្ចព្រមព្រៀង​ប្តូរ​រូបិយប័ណ្ណ​ទ្វេភាគី​ជាមួយ​ធនាគារ​ឥណ្ឌូណេស៊ី។

យោងតាមសេចក្តីថ្លែងការណ៍នៅលើគេហទំព័ររបស់ខ្លួន ធនាគារ PBOC បាននិយាយថាតម្លៃសរុបនៃកិច្ចព្រមព្រៀងនោះ គឺ ៤០០ពាន់លានយ័ន (ប្រហែល ៥៥,៧៩ពាន់លានដុល្លារអាម៉េរិក) ។ កិច្ចព្រមព្រៀងនេះមានសុពលភាពរយៈពេល ៥ឆ្នាំ ហើយអាចបន្តបានតាមការព្រមព្រៀងពីគ្នាទៅវិញទៅមក។

ការរៀបចំការផ្លាស់ប្តូររូបិយប័ណ្ណនឹងពង្រឹងកិច្ចសហប្រតិបត្តិការហិរញ្ញវត្ថុរវាងប្រទេសចិន និងឥណ្ឌូណេស៊ី ជំរុញ និងសម្រួលដល់វិស័យពាណិជ្ជកម្មទ្វេភាគី និងការវិនិយោគ ព្រមទាំងការពារស្ថិរភាពនៃទីផ្សារហិរញ្ញវត្ថុ៕

ដោយ៖ យា ចិន្ដាខន្ដី (ប្រភព៖ VNA)