AKP ភ្នំពេញ ថ្ងៃទី០៦ ខែកុម្ភៈ ឆ្នាំ២០២៥ -- នគរបាល​ឡាវ​នៅ​ខេត្ត​បរកែវភាគ​ខាងជើង​ ​ចាប់​បានគ្រឿងញៀន​ដ៏​សន្ធឹក​សន្ធាប់​មួយ ​បន្ទាប់​ពី​បាន​រក​ឃើញ​រថយន្ត​ភីកអាប់​មួយ​គ្រឿង​ផ្ទុក​ថ្នាំ​ញៀន​ប្រភេទ​អាហ្វេតាមីនចំនួន ​៤,៤​លាន​គ្រាប់។

គេហទំព័រព័ត៌មានក្នុងស្រុក Lao Pattana News បានរាយការណ៍កាលពីថ្ងៃពុធថា រថយន្តដឹកទំនិញនេះត្រូវបានគេបោះបង់ចោលនៅក្នុងភូមិភីបួនថុង ស្រុកហួយសៃ កាលពីថ្ងៃទី៣០ ខែមករា។

ក្នុង​ឆ្នាំ​២០២៤ អាជ្ញាធរ​ឡាវ​បាន​ដោះស្រាយ​ករណី​ពាក់ព័ន្ធ​នឹង​គ្រឿង​ញៀន​សរុប​ចំនួន ៣.៣៩៥ករណី ចាប់​ខ្លួន​ជន​សង្ស័យចំនួន ៥.១៦៨​នាក់។

រដ្ឋាភិបាលឡាវនឹងបន្តធ្វើការជាមួយនាយកដ្ឋានពាក់ព័ន្ធគ្រប់លំដាប់ថ្នាក់ ដើម្បីពង្រឹងវិធានការទប់ស្កាត់ការជួញដូរគ្រឿងញៀន និងលុបបំបាត់ការប្រើប្រាស់គ្រឿងញៀននៅក្នុងប្រទេសនេះ៕

ដោយ៖ មូល មិនា (ប្រភព៖ ស៊ីនហួ)