AKP ភ្នំពេញ ថ្ងៃទី០៥ ខែកុម្ភៈ ឆ្នាំ២០២៥ -- មូលនិធិរូបិយវត្ថុអន្តរជាតិ (IMF) បានចាត់ចំណាត់ថ្នាក់ផលិតផលក្នុងស្រុកសរុប (GDP) សម្រាប់មនុស្សម្នាក់ក្នុងឆ្នាំ២០២៤ ដោយត្រូវបានកែសម្រួលសម្រាប់ភាពស្មើគ្នានៃអំណាចទិញ (PPP) របស់ប្រទេសឥណ្ឌូណេស៊ីនៅលំដាប់ទី៨ នៅលើពិភពលោក ដែលមានចំនួន ៤,៩៨ពាន់ពាន់លានដុល្លារអាម៉េរិក។

យោងតាមការចាត់ចំណាត់ថ្នាក់នោះ ប្រទេសឥណ្ឌូណេស៊ីវ៉ាលើសប្រទេសបារាំង និងអង់គ្លេស ដោយមូលនិធិ IMF បានរាយការណ៍ថាGDP របស់ប្រទេសទាំងពីរនោះមានចំនួន ៤,៣៦ពាន់ពាន់លានអាម៉េរិក និង៤,២៨ពាន់ពាន់លានអាម៉េរិករៀងៗគ្នា។

ដោយដកស្រង់ទិន្នន័យរបស់មូលនិធិ IMF បានឱ្យដឹងថា ប្រទេសចិនបានឈ្នះជាប្រទេសដែលមាន GDP ផ្អែកលើ PPP ខ្ពស់បំផុតក្នុងឆ្នាំ២០២៤ជាមួយនឹង ៣៧,០៧ពាន់ពាន់លានដុល្លារអាម៉េរិក ដែលតាមពីក្រោយដោយសហរដ្ឋអាមេរិកដែលត្រូវបានកត់ត្រាតួលេខ ២៩,១៧ពាន់ពាន់លានដុល្លារអាម៉េរិក។

ប្រទេសឥណ្ឌា និង​រុស្ស៊ី​ដណ្តើម​បាន​ចំណាត់​ថ្នាក់​ទី៣ និង​ទី៤ដោយ​មាន ១៦,០២ពាន់​ពាន់​លាន​ដុល្លារអាម៉េរិក និង ៦,៩ពាន់​ពាន់​លាន​ដុល្លារអាម៉េរិក​រៀងៗ​គ្នា។ ប្រទេសជប៉ុនកំពុងឈរនៅលេខរៀងទី៥ជាមួយនឹងតម្លៃ GDP ដែលមានមូលដ្ឋានលើ PPP ចំនួន ៦,៥៧ពាន់ពាន់លានដុល្លារអាម៉េរិក។

នៅក្នុងចំណាត់ថ្នាក់ទី៦ បានទៅលើប្រទេសអាល្លឺម៉ង់ដែលមាន GDP ចំនួន ៦,០២ពាន់ពាន់លានដុល្លារអាម៉េរិក បន្ទាប់មកប្រទេសប្រេស៊ីលមានចំនួន ៤,៧ពាន់ពាន់លានដុល្លារអាម៉េរិក និងប្រទេសឥណ្ឌូណេស៊ីមានចំនួន៤,៦៦ពាន់ពាន់លានដុល្លារអាម៉េរិក។

ទន្ទឹមនឹងនេះដែរ ដោយលើកឡើងអំពីទិន្នន័យបច្ចុប្បន្នភាពសេដ្ឋកិច្ចពិភពលោក (WEO) ដែលបានចេញផ្សាយដោយមូលនិធិ IMF កាលពីក្នុងខែមករា ឆ្នាំ២០២៥ កំណើនសេដ្ឋកិច្ចសកលលោកនៅក្នុងឆ្នាំ២០២៥ និងឆ្នាំ២០២៦ ត្រូវបានព្យាករណ៍នៅកម្រិត ៣,៣% ឬទាបជាងមធ្យមភាគប្រវត្តិសាស្ត្រពីឆ្នាំ២០០០ ដល់ឆ្នាំ២០១៩ ដែលមានកម្រិត ៣,៧%។

មូលនិធិ IMF បានព្យាករណ៍ថា សេដ្ឋកិច្ចរបស់ប្រទេសឥណ្ឌូណេស៊ីក្នុងឆ្នាំ២០២៥ និងឆ្នាំ២០២៦ នឹងកើនឡើង ៥,១% ពីមួយឆ្នាំទៅមួយឆ្នាំ ដោយមិនមានការផ្លាស់ប្តូរពីការព្យាករណ៍របស់ខ្លួនកាលពីក្នុងខែតុលាឆ្នាំ២០២៤៕

ដោយ៖ យា ចិន្ដាខន្ដី (ប្រភព៖ VNA)