AKP ភ្នំពេញ ថ្ងៃទី២១ ខែមករា ឆ្នាំ២០២៥ -- ក្រសួងកសិកម្មកាហ្សាក់ស្ថានបានសម្រេចចិត្តដាក់បម្រាមរយៈពេល ៦ខែលើការនាំចេញដំឡូងទៅបណ្តាប្រទេសដែលមិនមែនជាសហភាពសេដ្ឋកិច្ចអឺរ៉ាស៊ី (EAEU) ដើម្បីធ្វើឲ្យមានស្ថិរភាពតម្លៃដំឡូងក្នុងស្រុក។

ក្រសួងបាននិយាយថា ដោយសារតម្រូវការកើនឡើងពីប្រទេសជិតខាង និងតម្លៃនាំចេញខ្ពស់នៅឆ្នាំនេះ ការនាំចេញដំឡូងបានកើនឡើង ១,៥ដងដែលប៉ះពាល់ដល់ទីផ្សារក្នុងស្រុក។

ក្រសួងបាននិយាយថា ការហាមឃាត់ដែលនឹងមិនអនុវត្តន៍ចំពោះពាណិជ្ជកម្មជាមួយរដ្ឋជាសមាជិក EAEU ក្នុងគោលបំណងការពារការដំឡើងតម្លៃប៉ាន់ស្មានធានាស្ថិរភាពទីផ្សារ ដោយក្រសួងសង្កត់ធ្ងន់ថាទុនបម្រុងដំឡូងបច្ចុប្បន្ន គឺគ្រប់គ្រាន់ដើម្បីបំពេញតម្រូវការក្នុងស្រុករហូតដល់ដើមឆ្នាំ២០២៥ នៃការប្រមូលផល។

ទុនបម្រុងសរុបលើសពី ៨៥០.០០០តោនដោយមិនរាប់បញ្ចូលភាគហ៊ុនដែលកាន់កាប់នៅក្នុងខ្សែសង្វាក់លក់រាយ។ ការប្រមូលផលឆ្នាំ២០២៤ មានចំនួន ២,៩លានតោន៕

ដោយ៖ មូល មិនា (ប្រភព៖ ស៊ីនហួ)