AKP ភ្នំពេញ ថ្ងៃទី១៧ ខែកញ្ញា ឆ្នាំ២០២៦ -- សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានលើកឡើងថា ការជំរុញ និងកើតឡើងរោងចក្របង្គំនៅកម្ពុជា បានជួយកាត់បន្ថយការនាំចូលផលិតសម្រេចពីខាងក្រៅ និងជំនួសមកវិញផលិតនបង្គំ នៅក្នុងស្រុក។ ការលើកឡើងរបស់សម្តេចធិបតីនាយករដ្ឋមន្ត្រីបែបនេះ ក្នុងឱកាសអញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការ រោងចក្រផ្គុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង និងខ្សែសង្វាក់ផលិតកម្មម៉ាក GAC នៅខេត្តកំពង់ឆ្នាំង នាព្រឹកថ្ងៃទី១៧ ខែកញ្ញា ឆ្នាំ២០២៦។

ក្នុងឱកាសនោះ សម្តេចធិបតី ហ៊ុន ម៉ាណែត មានប្រសាសន៍ថា៖ «ជាទិដ្ឋភាពរួមវិស័យឧស្សាហកម្មកម្ពុជា គិតត្រឹមខែកក្កដា ឆ្នាំ២០២៦នេះ យើងមានក្រុមហ៊ុនរោងចក្រចំនួន ៣ ៣៥៧ រោងចក្រ ដែលចុះបញ្ជីនៅក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅតាមបណ្ដាលរាជធានី-ខេត្ត ទាំង២៥ របស់យើង»។ សម្ដេចធិបតីបានបញ្ជាក់ថា ក្រុមហ៊ុនរោងចក្រចំនួន ៣ ៣៥៧ រោងចក្រ ទាំងនោះ មានប្រើប្រាស់កម្លាំងសរុបជាង ១លាននាក់ ក្នុងនោះស្ដ្រី មានជាង ៩០ម៉ឺននាក់ ដែលភាគច្រើននៅក្នុងវិស័យកម្មន្តសាល ហើយមានទុនសរុប ២៨ ពាន់លានដុល្លារអាម៉េរិក និងបានកើនឡើងជាង ៦ពាន់លានដុល្លារអាម៉េរិក ស្មើនឹង ២៨,៨២ភាគរយ បើធៀបនឹងរយៈពេលដូចគ្នា កាលពីឆ្នាំមុន។

ជាមួយគ្នានេះ សម្ដេចធិបតីនាយករដ្ឋមន្ត្រីបានបន្ថែមថា ក្នុងនោះ ទុនវិនិយោគសរុបមានចំនួនជាង ៤,៣ពាន់លានដុល្លារអាម៉េរិក ស្មើនឹង ១៥,៤៦ នៃទុនវិនិយោគសរុប។ ដូច្នេះ ការជំរុញ និងកើតរោងចក្របង្គំនៅកម្ពុជា បានជួយកាត់បន្ថយការនាំចូលផលិតសម្រេចពីខាងក្រៅជំនួសមកវិញផលិតនៅបង្គំក្នុងស្រុក៕

ដោយ៖ ប៊ុនរិទ្ធ